मुलुकको शैक्षिक नीति मधेस विरोधी रहेको वक्ताहरूको आरोप

राजविराज । मुलुकको शैक्षिक नीति मधेस विरोधी रहेको एक कार्यक्रमका वक्ताहरूले बताएका छन् ।

नयाँ वर्षको अवसरमा इन्टेलेक्चुअल फाउन्डेसन नेपालले सनिवार राजविराजमा गरेको शुभकामना आदानप्रदान तथा शैक्षिक विमर्श कार्यक्रमका वक्ताहरूले उक्त कुरा बताएका छन् ।

उनीहरूले सम्बन्धित ठाउँको अवस्था विश्लेषण गरेर बनाएको नीति मात्र कार्यान्वयन गर्न सजिलो हुने उनीहरूको भनाइ छ  ।  शिक्षाको गुणस्तर खस्कनुको विभिन्न कारण भएपनि मुख्य कारण शिक्षकहरू पेशागत जिम्मेवारी भन्दा व्यावसायिक जिम्मेवारीमा ध्यानाकर्षण गरेको आर‍ोप लगाए ।

अहिले शिक्षामा विकृतिको मुख्य कारण सामाजिक र नैतिक दायित्वबाट हाम्रो समाज पन्छिदै जानू ह‍ो । शिक्षा क्षेत्रमा राजनीतिकरण बढेपछि शिक्षाको स्तर खस्केको हो राजनीतिक भन्दा शैक्षिक क्षेत्र बाहिरिन एकदमै आवश्यक रहेको बताए ।

संघीयताले शिक्षालाई धरापमा पार्यो । स्थानीय सरकारको मातहतमा शिक्षा गएदेखि शैक्षिक अवस्था गम्भीर अवस्थामा पुगेको सहभागीहरूको आरोप थियोे  ।

कार्यक्रमका प्रमुख अतिथि डा. हेम मिश्र, डा. पिताम्वर लाल यादव,आमसंचार प्राधिकरण मधेस प्रदेशका अध्यक्ष श्याम सुन्दर यादव, नेपाल पत्रकार महासंघ सप्तरीका पूर्व अध्यक्ष विष्णु मण्डल, धिरेन्द्र प्रसाद साह, डा.राम खेलावन यादव, पत्रकार सुधा देव, विद्यापति पुरस्कारकोसको सदस्य सचिव ध्रुव मण्डल, साहित्यकार सागरवीर कडारी, मिलाफ सप्तरीको अध्यक्ष रमिला साह, प्रतिमा देव लगायतको उपस्थिति रहेको थियो ।

फाउन्डेसनको अध्यक्ष डा. सूर्या यादवको अध्यक्षतामा आयोजित कार्यक्रमको संचालन गीतकार शम्भु श्रीले गरेका थिए ।