राजबिराजमा सञ्चालित ए डिभिजनको उपाधि योङ्ग बिष्णपुरको कब्जामा

राजबिराज । सप्तरी क्रिकेट संघको सहकार्यमा क्रिकेट विकास प्रतिष्ठान द्वारा राजबिराजमा संचालित जिल्लास्तरीय ए डिभिजन टि ट्वान्टी क्रिकेट प्रतियोगिताको उपाधि योङ्ग बिष्णुपुर खडकले हात पारेको छ । 

बुधवार स्थानीय पवि माबि राजबिराजको खेल मैदानमा संचालित फाइनल खेलमा सबल नेपाललाई १८ रनले पराजित गर्दै योंग बिष्णुपुरले उपाधि माथि कब्जा जमाएको हो । 

टस जितेर योंगले २० ओभरमा ७ बिकेट गुमाएर १ सय २४ रन को योगफल खडा गरेका थि ।  जसमा मुकेश यादब ३९ रन, सदाम आलम २७ रन, नौसाद आलम १५ रन बनाउँदै अविजित रहे । 

बलिंग तर्फ सवल नेपालका रोहित सिँह र चित्रे बिष्ट २/२ बिकेट र रोबिन सिँह तथा राहुल बिक १/१ बिकेट लिएका थिए । प्रतिउतरमा सबल नेपालले १७ ओभर ३ बलमा सबै बिकेट गुमाई १ सय ६ रन मात्र बनाउन सकेका थिए । जसमा अमित मण्डल ४२ रन, राहुल बिक १३ रन, मनु दास ११ रन अविजित रोबिन सिँह ११ रन बनाए पनि जितका लागि प्रयाप्त हुन सकेन । 

बलिंग तर्फ योंगका मो. सकिमले किफायती बलिंग गर्दै ४ बिकेट, रोशन यादब ३ बिकेट सुशान्त देव २ र जितेन्द्र यादब १ बिकेट हात पारेका थि । खेलको योंग म्यान अफ दि फाइनल मो सकिम आलम घोषित भएका थिए । 

प्रतियोगिता भरीमा बेस्ट बलर सबल नेपाल रोबिन सिँह,बेस्ट ब्याटर सबल कै अमित यादब र राजदेबी राइजिङ क्लबका म्यान अफ सिरिज अमन यादब घोषित भएका थिए । 

विजेता योंगले २५ हजार नगद सहित शिल्ड, कप, मेडल, प्रमाणपत्र र उपविजेता सबल नेपालले १५ हजार नगद सहित शिल्ड, कप, मेडल, र प्रमाणपत्र प्राप्त गरेका थिए । उक्त अवसरमा प्रदेश सभा सदस्य मनिष सुमनले क्रिकेट खेल र खेलाडीको विकासका लागि आफू सक्दो सहयोग गर्ने प्रतिबद्धता गरेका थिए । 

प्रतिष्ठानका अध्यक्ष ई. इन्द्र नारायण देवले क्रिकेट विकास सँगै खेलाडीको भविष्य बनाउनका लागि आर्थिक रूपमा सवल बनाउनुपर्नेमा जोड दिए । उक्त अवसरमा मधेश प्रदेश सभा सदस्य मनिष सुमन, क्रिकेट विकास प्रतिष्ठानका अध्यक्ष ई. इन्द्र नारायण देव, स्वेडकका अध्यक्ष मिरा देव, सप्तरी क्रिकेट संघका सचिव चन्दनकुमार यादब, कर्मचारी बचत तथा श्रृण सहकारी संस्थाका अध्यक्ष योगेन्द्र यादब, आईडियल सहकारीका म्यानेजर बिनोद रजक, पुर्व अन्तराष्ट्रिय क्रिकेटर पवन दास, लगायतले शिल्ड, कप, मेडल, प्रमाण प्रदान गरेका थिए ।