अन्तर महिला क्रिकेटमा मोरंग बिजयी

राजबिराज । राजबिराजमा संचालित चार दिवसीय अन्तर महिला क्रिकेट प्रतियोगितामा मोरंग बिजयी भएका छन् । 

बुधवार महिला क्रिकेट टिम सिरहा र मोरंग क्रिकेट टिम बिच भएको खेलमा मोरंगले सिरहालाई ८० रनले पराजित गरेको छ । 

टस जितेर मोरंगले निर्धारित २० ओभरमा ३ बिकेटको क्षतिमा १ सय ९‌० रनको विशाल योगफल खडा गरेका थिए ।विशाल स्कोर बनाउन सानू राजबंशीले उत्कृष्ट ब्याटिंग गर्दै १५ चौकाको मदतले ७७ रन जोडे पछि टिम बलियो अवस्थामा पुगेको थियो । 

यसैगरी अन्य खेलाडीमा प्रियंशा राना मगरले ४६ रन र काजल राजबंशीले २१ रन बनाउँदै अविजित रहे । बलिंग तर्फ सिरहाका सरस्वती चौधरी, शान्ति चौधरी र आरती चौधरीले १/१ बिकेट लिएका थिए । 

प्रतिउत्तरमा सिरहाले २० ओभरमा सबै बिकेट गुमाई १ सय १० रन मै सीमित रहे । जसमा प्रदिक्षा खडकाले ३२ रन, सरस्वती चौधरी १९ एंगेल भुजेलले १७ रन बनाउँदै अविजित खेले पनि टिमलाई बिजयी गराउन सकेन । 

यता मोरंगका बन्दना राजबंशी र फुल कुमारी राजबंशी २/२ बिकेट तथा काजल राजबंशी, सोनु राजबंशी र बेदिका राजबंशी १/१ बिकेट लिएका थिए । खेलको पलेयर अफ दि म्याच मोरंगका सोनु राजबंशी घोषित भएको सबल नेपालका कार्यक्रम संयोजक आशिष गुप्ताले जानकारी दिए ।