राजविराजमा एक युवक मृत अवस्थामा भेटिए

राजविराज । सप्तरीको राजविराज नगरपालिकामा एक युवक मृत अवस्थामा भेटिएका छन् ।

राजविराज नगरपालिकाको वडा नम्बर १२ का अन्दाजी १९ बर्षीय सुनिल कुमार यादव मृत अवस्थामा फेला परेको प्रहरीले जानकारी दिएका छन् ।

राजविराज १३ स्थित पिप्राही र भेल्हीबीचको खाँडो खोलामा युवक मृत भेटिएका हुन । मृतक यादव साइकलसहित घोप्टो परेर मृत फेला परेको र नाकबाट रगत आएको देखिएको जिल्ला प्रहरीले जनाएका छन् ।

प्रहरीले शवलाई पोष्टमार्टमका लागि गजेन्द्रनारायण सिंह अस्पताल ल्याएको र रिपोर्ट नआएसम्म केहि भन्न नसकिने जनाएका छन् । यसबारे अन्य अनुसन्धान भइरहेको जिल्ला प्रहरी कार्यालयले जनाएको छ ।