सप्तरीमा नहरमा डुबेर एक युवक बेपत्ता

राजविराज । नहरमा डुबेर सप्तरीमा एक युवक बेपत्ता भएका छन् । जिल्लाको महदेवा गाँउपालिका–३ वथनाहाका २२ वर्षीय प्रदीप यादव कोशी पश्चिमी नहरमा डुबेर बेपत्ता भएका हुन् ।

जिल्ला प्रहरी कार्यालय सप्तरीका डीएसपी ढुण्डीराज न्यौपानेका अनुसार शुक्रबार दिउँसो विद्युत्‌को पोल जडान गर्ने क्रममा उनी महदेवा नजिक कोशी पश्चिमी नहरमा डुबेका हुन् । नहरमा डुबेर बेपत्ता भएका उनको सशस्त्र र नेपाल प्रहरीले खोजी गरिरहेको छ ।