चन्दन यादब 
राजबिराज । युवाहरूलाई मूलधारमा ल्याउन, सशक्त बनाउन र समाजिक बकालतका लागि महिलाअधिकारकर्मी रमिला देवी साहको नेतृत्वमा नगरपालिका स्तरीय युवा संजाल गठन गरिएको छ ।
शुक्रवार राजबिराज नगरपालिका स्थित सभाहलमा नगरपालिकाको समन्वय र सबल नेपालको आयोजना तथा युएसएआइडीको सहयोग नागरिक, समाज तथा संचार कार्यक्रम (युएसएआइडी/सिएसएम) अन्तर्गत दुई दिने पालिकास्तरिय युवा संजाल पुन गठन कार्यक्रमबाट गठन गरिएको हो ।
गठित सन्जालको अध्यक्षतामा रमिला देवी साह, उपाध्यक्षमा इन्द्रजित कुमार यादब सचिवमा रमेश सुतिहार , सचिवमा आशिष गुप्ता र कोषाध्यक्षमा प्रिया देवी खंग रहेको छ ।
त्यस्तै सदस्यहरूमा राम नारायण महतो, काजल राय, करिना साह, कृष्णबल्लभ साह, अर्चना मण्डल, रिता कुमारी मण्डल, भोला खंग, गिता देवी सदा, नेहा कुमारी साह,राम कुमार सदा, महेश साह, प्रमानन्द यादब र राम प्रकाश चौधरी रहेका छन ।
गठित संजालले पालिकास्तरमा देखिएका युवा, महिला, दलित, सीमान्तकृत वर्गको आवाजलाई बढाउन तथा मुलधारमा ल्याउन र उनीहरूको समस्याहरूलाई पैरबी, वकालत मार्फत पहल गर्नका लागि युवा संजाल गठन गरिएको सबल नेपालका कार्यक्रम अधिकृत शवनम यादबले बताइन ।
कार्यक्रम सहभागीहरूले समुदायमा बेरोजगारी, बालविवाह, लागू औषध, स्वास्थ्य, लागू पदार्थ दुर्व्यसन , देहज प्रथा, समस्यालाई समाधान गर्नका लागि संजाललाई सशक्त, सक्रिय, बनाई अभियानको रूपमा परिचालन गर्नुपर्नेमा जोड दिए ।
संजालका अध्यक्ष रमिला देवी साहले युवा, महिला, किशोरकिशोरी तथा सीमान्तकृत समुदायको समस्या र समुदायको विकृति हटाउन जनचेतना मूलक कार्यक्रम संचालन गरि समुदायमा देखिएका समस्याहरू समाधान गर्न र युवाहरूलाई समुदाय प्रति जवाफदेहिता बोध गराई समाजको विकासमा सहयोग गर्ने जस्ता क्रियाकलाप गरिने बताइन ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |