पत्रकार गुप्तालाई ज्यानमार्ने धम्की दिने अभिषेक मण्डल पक्राउ

राजविराज । नेपाल पत्रकार महासंघ सप्तरीका कोषाध्यक्ष एवम् राजविराज दैनिकका पत्रकार नवीनकुमार गुप्तामाथि अभद्र व्यवहार गर्दै ज्यानमार्ने धम्की दिने अभिषेक मण्डल पक्राउ परेका छन् ।

सप्तरीको महदेवा गाउँपालिका- ६ ढिकलीका मण्डल  राजविराजबाट विहीवार बिहान पक्राउ परेको जिल्ला प्रहरी कार्यालय सप्तरीले जनाएको छ ।  उनलाई जिल्ला प्रहरी कार्यालय सप्तरीको हिरासतमा राखी आवश्यक अनुसन्धान अगाडि बढाएको सप्तरीका प्रहरी प्रवक्ता डीएसपी ढुण्डिराज नेउपानेले जानकारी दिए । 

महासंघले आन्दोलन घोषणा गरेपछि प्रहरीले सक्रियता देखाउन साथ उनी पक्राउ परेका छन् । मण्डललाई प्रहरीले पक्राउ नगरेको भन्दै नेपाल पत्रकार महासंघ सप्तरीले बुधबार चरणबद्ध आन्दोलनको कार्यक्रम घोषणा गरेका थिए ।