सप्तरीमा एक जनाको वेवारिसे अवस्थामा शव फेला

राजविराज । सप्तरीको शम्भुनाथमा एक जनाको शव फेला परेको छ । शम्भुनाथ नगरपालिका -३  स्थित शम्भुनाथ मन्दिर छेउमा बुधबार  दिउँसो एक व्यक्तिको शव फेला परेको प्रहरीले जनाएको छ ।

पहिचान नखुलेको अन्दाजी ५०/५५ वर्षको तराई मूलको जस्तो देखिने पुरुष को शव खेतमा देखेपछि स्थानीयले प्रहरीलाई खबर गरेका थिए । प्रहरीले शवलाई पोस्टमार्टमको लागि गजेन्द्रनारायण सिंह अस्पताल राजविराजमा पठाइएको छ ।  

यस सम्बन्धमा प्रहरीले आवश्यक अनुसन्धान गरिरहेको जिल्ला प्रहरी कार्यालय सप्तरीले जनाएको छ ।