पत्रकार रामशंकर भण्डारी प्रेस मञ्चमा प्रवेश

राजविराज । मधेश लाइभ डटकम अनलाइनका समाचार संयोजक पत्रकार रामशंकर भण्डारी प्रेस मञ्च नेपालमा प्रवेश गरेका छन् ।  प्रेस मञ्च नेपाल सप्तरीद्वारा राजविराजमा शनिबार आयोजित एक समारोहको बीच भण्डारी प्रेस मञ्चमा प्रवेश गरेका हुन् । 

मञ्चका जिल्ला अध्यक्ष भूषण कुमार सिंहको अध्यक्षतामा आयोजित कार्यक्रममा प्रमुख अतिथि प्रेस मञ्च नेपालका महासचिव अवधेश कुमार झाले टीका र गम्छा ओढाएर स्वागत गर्दै उनलाई सङ्गठनमा प्रवेश गराएका छन् । 

सङ्गठनमा प्रवेश गराउँदै महासचिव झाले पत्रकार भण्डारीलाई उचित जिम्मेवारीका साथ रोजगारमूलक संचार माध्यममा सहभागी गराउँन पहल गर्ने प्रतिबद्धता व्यक्त गरे ।  नवप्रवेशी पत्रकार भण्डारीले यसअघि स्वघोषणा(पत्र  जारी गर्दै प्रेस मञ्च नेपाल पत्रकारहरूको पेशागत तथा भौतिक सुरक्षामा प्रतिबद्ध रहेकोले मञ्च प्रवेश गरेको बताएका थिए । 

उनले पछिल्लो समयमा सप्तरीका पत्रकारहरू दुई धारमा देखिँदा प्रेस मञ्चले प्रेस स्वतन्त्रता तथा पत्रकारहरूको सुरक्षाका सवालमा अडिग देखिएकोले प्रेस मञ्च नेपालमा प्रवेश गरेको बताए । 

उक्त अवसरमा प्रेस मञ्च नेपालका केन्द्रीय सदस्य चन्दन कुमार यादव, नेपाल पत्रकार महासंघ सप्तरीका सचिब राम नारायण विश्वास, जिल्ला कार्यसमिति उपाध्यक्ष जितेन्द्र कुमार झा जीतु, सचिब विद्यानन्द राम, सहसचिव धर्मपाल राउत, कोषाध्यक्ष प्रवेश मिश्रलगायतका कार्यसमिति सदस्यहरूको उपस्थिति रहेको थियो ।