राजविराजमा स्थानीयहरूको उत्साहजनक सहभागितामा विशाल रथयात्रा

राजविराज । सप्तरीको राजविराजमा मंगलबार झाँकीसहितको विशाल रथयात्रा निकालिएको छ । कृष्णजन्माष्टमीको अवसरमा कृष्ण महारथयात्रा मूल समारोह समिति तथा स्थानीयहरूको उत्साहजनक सहभागितामा रथयात्रा निकालिएको हो ।

राजविराज -९ मलेठ स्थित रहेको कृष्णमन्दिरबाट विभिन्न झाँकीसहितका निकालिएको रथयात्रा राजविराज नगरपालिकाको विभिन्न भाग परिक्रमा गरी पुन: सोही ठाउँमा पुगेर समापन गरिएको थियो । 

मूल समारोह समितिका संयोजक अनिल यादवको नेतृत्वमा  निकालिएको रथयात्रामा जनप्रतिनिधि, राजनीति दलका प्रतिनिधि, विभिन्न संस्थाका प्रतिनिधि, कलाकार, पत्रकार, स्थानीय युवाहरू तथा हजारौंको सङ्ख्यामा श्रद्धालु भक्तजनहरूको सहभागिता रहेको थियो ।