यु-१९ सप्तरी क्रिकेट टिमको घोषणा

राजबिराज । वाइवाई यु- १९ राष्ट्रिय क्रिकेट प्रतियोगितामा सहभागिताका लागी मधेश प्रदेश स्तरीय क्रिकेट छनोट प्रतियोगिताका लागि सप्तरी यु -१९ टिमको छनोट गरिएको छ ।

यही असोज १९ गते देखि बारा जिल्लाको कलैयामा हुने प्रदेश स्तरीय छनोट क्रिकेट को लागि अभिषेक कार्कीको नेतृत्वमा १४ सदस्यीय टिम चयन गरिएको हो ।

राजबिराजमा असोज १६ र १७ गते सम्म चलेको बन्द प्रशिक्षणबाट अभिषेक कार्की (कप्तान) अजय यादब, कर्ण बहादुर बिक, राज वर्मा, भिम यादब, वसन्त यादब, मोहम्मद सोहेल, संदिप यादब रहेका छन् । त्यसैगरी गौरब साह, बिजय यादब, सकिम आलम, भोला साह, सौरब झा, सन्तु मण्डल चयन भएको छनोट समितिका संयोजक अनवर अलीले जानकारी दिए ।

यसैगरी वैकल्पिक खेलाडीहरूमा बाबू गाेटिया, अमन यादब, शिव दास र  प्रविण यादब रहेको छ। यसैगरी टिमको व्यवस्थापकका बिरेन्द्र यादब र प्रशिक्षकमा राहुल सिँहलाई जिम्मेवारी दिएको छ । प्रदेशस्तरीय छनोट खेल अन्तर्गत सप्तरीले शनिवार सर्लाही सँग खेल्ने छ ।

मधेश प्रदेश स्तरीय छनोट प्रतियोगिताबाट  यही कार्तिक ३ गते देखि विराटनगर मा यु- १९ राष्ट्रिय क्रिकेट प्रतियोगितामा प्रदेश टिमले सहभागिता जनाउने सप्तरी क्रिकेट सँघका उपाध्यक्ष निरज सिँहले जानकारी दिए ।