छिन्नमस्तामा तेस्रो संस्करणको राष्ट्रिय खुल्ला अध्यक्ष कप भलिबल प्रतियोगिता सुरु

राजविराज । सप्तरीको छिन्नमस्ता गाउँपालिका सखडामा भलिबल प्रतियोगिता सुरु भएको छ । पालिका अध्यक्ष विद्यानन्द चौधरीको अध्यक्षता तथा प्रमुख जिल्ला अधिकारी मेखबहादुर मक्रान्तिको प्रमुख आतिथ्यमा शनिबार देखि तेस्रो संस्करणको राष्ट्रिय खुल्ला अध्यक्ष कप भलिबल प्रतियोगिता सुरु भएको छ ।

तीन वर्षदेखि प्रत्येक वर्ष दशैंको अवसरमा पालिकाले भलिबल प्रतियोगिता आयोजना गर्दै आएको छ । तेस्रो संस्करणको शनिबार भएको उद्‌घाटन खेलमा छिन्नमस्ता- बी टिमलाई नेपाल प्रहरी सप्तरीले ३-० ले पराजित गरेको छ ।

यस भलिबल प्रतियोगितामा जम्मा ८ वटा टिम‌ सहभागि भएका छन् । प्रतियोगितामा प्रथम टिमलाई १ लाख १ हजार र द्वितीय टिमलाई ५१ हजार रुपैयाँ तथा शिल्ड प्रदान गरिने आयोजकले जनाएको छ । प्रतियोगिताको फाइनल खेल असोज १५ गते हुनेछ ‌।