सप्तरीको राजगढमा बेवारिसे शव फेला 

राजविराज । सप्तरीको राजगढमा शुक्रबार बिहान एक बेवारिसे शव फेला परेको छ । राजगढ गाउँपालिका-४ जमुवा चौक स्थित नाम, थर, वतन नखुलेको तराई मूलको जस्तो देखिने अन्दाजी ७०/७५ वर्षीय पुरुषको शव फेला परेको प्रहरीले जनाएको छ । 

निजको हाल सम्म सनाखत हुन नसकेको हुँदा निज व्यक्तिलाई चिन्नु हुने जो कसैले जिल्ला प्रहरी कार्यालय सप्तरी वा नजिकको प्रहरी कार्यालयमा सम्पर्क राख्न हुन अनुरोध गरिएको छ ।

घटनाको बारेमा आवश्यक अनुसन्धान भइरहेको प्रहरीले जनाएको छ ।