स्वर कोकिला शारदा सिन्हाको निधन, आज पटनाको गुल्बीघाटमा अन्त्येष्टि गरिने

राजविराज । मिथिलाञ्चलकी प्रसिद्ध लोकगायिका तथा ‘स्वर कोकिला’ भनेर चिनिने शारदा सिन्हाको भारतको दिल्लीमा मंसिर २० गते राति भारतिय समय अनुसार ९ बजेर २० मिनटमा निधन भएको हो ।

शारदा सिन्हाका छोरा अंशुमान सिन्हाले सामाजिक सञ्जालमार्फत उनको निधनको जानकारी दिएका हुन् । उनले आफ्नी आमाको अन्तिम संस्कार आज पटनाको गुल्बीघाटमा गरिने बताए, जहाँ करिब एक महिनाअघि बुवाको अन्तिम संस्कार गरिएको थियो ।

एक महिनाभित्रै आफ्ना आमाबुवा गुमाउनु अंशुमनका लागि निकै पीडादायी छ, यस दुःखद घडीमा पनि उनले आमाको इच्छा र परम्परालाई कसरी पालना गरिरहेका छन् भन्ने उनको भनाइले स्पष्ट पारेको छ ।

शारदा सिन्हाको पार्थिव शरीर दिल्लीबाट बिहान दशधन उडानबाट पटना ल्याइनेछ । उहाँप्रति श्रद्धाञ्जली अर्पण गर्नका लागि केही समय निवासमा राखिनेछ । त्यसपछि उनको अन्तिम यात्रा गुल्बीघाटमा लगिनेछ, जहाँ उनको जीवनको अन्तिम संस्कार गरिने छ ।

शारदा सिन्हा गायिका मात्र नभई मिथिलाञ्चलको संस्कृति र परम्पराको प्रतीक थिइन् । छठ पर्वको पहिलो दिन आएको यो खबरले उनको परिवार मात्र नभई सिंगो मिथिलाञ्चल शोकमा डुबेको छ ।