Memo Khabar 
राजविराज । राजविराज नगरपालिका- ५ स्थित पब्लिक विन्देश्वरी माध्यमिक विद्यालयको (पविमावि) खेल मैदानमा सप्तरी क्रिकेट संघले अन्तराष्ट्रिय स्तरको क्रिकेट पिच निमार्ण कार्य शुरु गरेका छन् ।
क्रिकेट संघ सप्तरीको वार्षिक कार्यक्रम अनुसार मधेश प्रदेश क्रिकेट संघको संयोजनमा पविमावि खेल मैदानमा तिन वटा अन्तराष्ट्रिय मापदण्ड अनुसार पिच निमार्ण गर्नै संघ सप्तरीका अध्यक्ष आयुष श्रेष्ठले बताए ।
सप्तरीमा प्रत्येक वर्ष आयोजना हुने सप्तरी प्रिमियर लिग सहित क्रिकेट प्रति सप्तरीको युवा, विद्यार्थी र महिला क्रिकेटरको उच्च मनोबललाई ध्यानमा लिई अन्तराष्ट्रिय स्तरको क्रिकेट पिच निमार्ण गर्न लागेको अध्यक्ष श्रेष्ठले बताए ।
सप्तरी युवाको मिहिनेतले क्रिकेट खेलमा अन्तराष्ट्रिय स्तरमा समेत पहिचान बनाउन सफल भएकाले भावी युवा पुस्ताको लागि क्रिकेट खेल र राम्रो अभ्यास गर्न व्यवस्थित स्तरीय खेलमैदान निमार्ण कार्यको सुरुवात गरेको अध्यक्ष श्रेष्ठले जानकारी दिए ।
पविमावि खेल मैदानमा पिच निमार्ण पश्चात घेरावेराका लागि संघ, प्रदेश र स्थानीय सरकारलाई आग्रह गर्नै उनले बताए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |