Memo Khabar 
राजविराज । स्थानीय तह उपनिर्वाचनमा सप्तरीको डाकेश्वरी नगरपालिका वडा नं १ र ४ को वडाध्यक्षमा जनता समाजवादी पार्टी नेपालका उम्मेदवार विजयी भएका छन् ।
डाकनेश्वरी वडा नम्बर १ को अध्यक्षमा जसपा नेपालका धिरेन्द्रकुमार शाह ६ सय ५२ मत ल्याएर निर्वाचित भएका छन् । उनका निकटतम प्रतिद्वन्दी नेपाली काङ्ग्रेसकी भुलियादेवी थरूनीले ५ सय ८७ मत ल्याइन् । तेस्रो स्थानमा रहेका नेकप (एमाले) का उम्मेदवार भगबानी शाहले २ सय ५६ मत ल्याए ।
डाक्नेश्वरीकै वडा नम्बर ४ मा जसपा नेपालका देवेन्द्र प्रसाद यादव ३ सय ७२ मत ल्याएर निर्वाचित भएका छन् । उनका निकटतम प्रतिद्वन्दी नेपाली काङ्ग्रेसका जोगिन्द्र राय अमातले २ सय ७७ मत ल्याए । तेस्रो भएका जनमत पार्टीका उदयनारायण पण्डितले २ सय ३१ मत प्राप्त गरे ।
गत स्थानीय तह निर्वाचनमा यी दुवै वडामा नेपाली काँग्रेस निर्वाचित भएको थियो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |