स्ववियु निर्वाचन : मविब राजबिराजमा १ हजार २ सय ७२ मतदान, कुल मतको ४६.५७ प्रतिशत मात्र मतदान

राजबिराज । त्रिभुवन विश्वविद्यालय अन्तर्गत स्वतन्त्र विद्यार्थी युनियन निर्वाचनको मिति अत्यन्त नजिक पुगे सँगै यहाँ स्थित महेन्द्र विन्देश्वरी बहुमुखी (मविब) क्याम्पस  राजबिराजको निर्वाचनमा कुल १ हजार २ सय ७२ मत खसेको छ ।

कुल २ हजार ७ सय ३१ मतदाता रहेको यस क्याम्पसमा १ हजार २ सय ७२ मत खसेको जसमा  छात्र ६ सय ८९  र छात्रा ५ सय ८३ कुल मतको ४६.५७ प्रतिशत मत खसेको निर्वाचन प्रमुख नन्दकिशोर यादबले जानकारी दिए ।

मविब क्याम्पस राजबिराजका स्ववियु निर्वाचन प्रमुख नन्दकिशोर यादबको अनुसार बिहान ८ बजे देखि सुरू भएको मतदान ४ बजे शान्तिपूर्व सम्पन्न भएको बताउनु भएको छ ।

मविब क्याम्पसको अध्यक्ष पदमा समाजवादी विद्यार्थी युनियनका रंजित यादब, नेबि सँघका नितिश कुमार यादब र अनेरास्ववियुका मनिषा कुमारी साह, जनमत विद्यार्थी सँघका त्रिवेणी कुमार यादब र स्वतन्त्र वाट बिनय कुमार यादबको प्यानल चुनावी प्रतिस्पर्धा रहेको छ । 

यता निमित क्याम्पस प्रमुख रामअशिष यादबले यसपालीका स्ववियु निर्वाचनलाई  स्वच्छ र निष्पक्ष बनाउन, सुरक्षा निकाय,  विद्यार्थी, अभिभावक तथा राजनीतिक दलहरूलाई संयमित भई निर्वाचन सम्पन्न गराउने सबै निकायलाई धन्यवाद दिएका छन ।