मविब क्याम्पस राजविराजमा लगातार दोस्रो पटक रंजित यादव विजयी

राजविराज । महेन्द्र बिन्देश्वरी बहुमुखी क्याम्पस राजविराजको स्वतन्त्र विद्यार्थी युनियन (स्वबियू) मा  रंजित यादव लगातार दोस्रो पटक सभापतिमा दोहोरिएका छन् ।

दोस्रो पटक उम्मेदवार बनेका उनी ३९३ मत प्राप्त गरी विजयी भएका हुन् । उनी समाजवादी विद्यार्थी युनियन र अखिल क्रान्तिकारीका संयुक्त उम्मेदवार थिए ।

स्वतन्त्र उम्मेदवार बिनय यादव ३३२ मत ल्याई दोस्रो र अनेरास्ववियुका मनिषा कुमारी साहले ३३१ मत ल्याई तेस्रो भएकी छन् ।

सचिवमा मुकेश कुमार साह ३९५ मत ल्याई निर्वाचित हुँदा कंचन कुमारी ठाकुर ४१० मत प्राप्त गरी कोषाध्यक्षमा निर्वाचित भएका छन् ।

मङ्गलबार भएको निर्वाचनमा कुल २ हजार ७३१ मतदाता रहेको क्याम्पसमा १ हजार २७२ जनाले मतदान गरेका छन् ।