मुख्यमन्त्रीको निर्देशनको अवज्ञा गर्दै किल्निक संचालनमा

राजबिराज । मधेश प्रदेशका मुख्यमन्त्री सतिशकुमार सिंहले बन्द गर्न दिएको निर्देशनको अवज्ञा गर्दै यहाँ स्थित अबैधरूपमा रहेको प्रसूति तथा स्त्रीरोग क्लिनिक एन्ड डाइग्नोस्टिक सेन्टर संचालन गर्दै आएको छ ।

मुख्यमन्त्री सिँह सहित अनुगमन टोलीले चैत ३ गते सप्तरीको राजविराजमा सञ्चालित स्वास्थ्य संस्थाहरूको निरीक्षण गर्ने क्रममा स्त्रीरोग किल्निक सेन्टर सहित दुई अस्पताल अवैध रूपमा सञ्चालन भएको पाइएकाले तत्काल बन्द गर्न निर्देशन दिएका थिए ।

सो निर्देशनको अवज्ञा गर्दै उक्त किल्निकमा दैनिक रूपमा उपचार सहितको सेवा नियमित संचालन भइरहेको छ ।

राजविराजस्थित प्रसूति तथा स्त्रीरोग क्लिनिक एन्ड डाइग्नोस्टिक सेन्टरले स्वास्थ्य क्लिनिकको अनुमति लिएर पोलिक्लिनिकको सेवा प्रदान गरिरहेको भेटिएपछि बन्द गर्न निर्देशन दिइएको थियो ।

यस क्लिनिकले शय्या सहितको इमेजिङ तथा शल्यक्रिया सेवा उपलब्ध गराउँदै आएको छ, जसका लागि प्रदेश सरकारबाट छुट्टै अनुमति आवश्यक पर्ने नियम छ ।

त्यस्तै, मुख्यमन्त्री सिँहले सेवा सञ्चालनको अनुमतिपत्र नलिई सञ्चालन भइरहेको भारती इमेजिङ सेन्टर लाई पनि बन्द गर्न निर्देशन दिइएको थियो ।

प्रदेश स्वास्थ्य तथा जनसङ्ख्या मन्त्रालयका जनस्वास्थ्य अधिकृत एवं अस्पताल अनुगमन समितिका सदस्यसचिव सन्तोषकुमार ठाकुरले अनुमति बिना नै सञ्चालन भएकाले यी संस्थाहरू बन्द गरिनुपर्ने निर्णय भएको बताए । यता मुख्यमन्त्री सिँहले यस वारेमा बुझने बताए ।