राजबिराजमा एक वृद्धको ढलेर निधन

राजबिराज । राजबिराजमा एक वृद्धको सडकमा ढलेको अबस्थामा निधन भएको छ । आईतवार घरबाट बजार निस्केका वडा ३ का ६७ वर्षीय सप्तरी जिल्ला बार एशोसिएसनका सदस्य अभिबक्ता उमेशनाथ शरणको सडक मै ढलेर निधन भएको छ ।

झोला बोकेर बजार निस्केका शरणलाई सडकमै ढलेको देखेपछि स्थानियले प्रहरीलाई खवर गरेका थिए । उनलाई तत्काल गजेन्द्र नारायण सिँह अस्पताल पुऱ्याउँदा उनको मृत्यु भइसकेको प्रहरी नायब उपरीक्षक जितेन्द्र बस्नेतले जानकारी दिए ।

पारिवारिक श्रोतलाई उदृत गर्दै बस्नेतले जनाए अनुसार शरण मुटुका बिरामी थिए । उनको केही दिनअघि मुटुको शल्यक्रिया भएको थियो ।