चन्दन यादब 
राजबिराज । बालबालिकाहरूलाई कुलतबाट जोगाउन बालबालिकाहरू नै सक्रिय हुनुपर्नेमा सहभागीहरूले जोड दिएका छन् । सोमवार राजबिराजमा आयोजित राजबिराज नगरस्तरीय बालभेला तथा अन्तरक्रिया कार्यक्रममा सो कुरा बताएको हो ।
कुलतमा लागेको बालबालिकाहरूलाई कुलतबाट जोगाउन बाल कल्वहरूले विद्यालयमा सचेतनामूलक कार्यक्रम गर्नुपर्नेमा उनीहरूले जोड दिएका छन ।
भेलामा नगरस्तरीय बाल संजालका अध्यक्ष विशाल यादबले बालकालिका हरूको हकअधिकार सँगै बालबालिकाहरूलाई बालश्रम वाट मुक्त गर्न बालबालिकाहरूको विकास, संरक्षण सहभागिताको ग्यारेन्टी हुनुपर्नेमा जोड दिए ।
अध्यक्ष यादबले नगरको १६ वटै वडामा बाल कल्वहरूलाई सक्रिय बनाउनका लागि बालभेलाको आयोजना गरिएकोले अन्तरक्रियाबाट बालबालिकाहरूको समस्याहरू बारेमा छलफल गरिएको बताए ।
बालबालिकाहरूको भेलामा वडाहरूमा बाल कल्ब गठन र पुनर्गठन गर्ने, बालविवाह न्यूनिकरण गर्न जनचेतनामूलक कार्यक्रम गर्ने, बाल श्रम न्यूनिकरण गर्ने, विद्यालयहरूमा बालमैत्री शौचालय निर्माण गर्न, योजना छनोटमा बालबालिकाहरूको सहभागिता जस्ता समस्याहरूलाई सक्रियतापुर्वक बालअधिकार सवालमा बाल कल्वहरूले पैरबी र वकालत गर्ने नगरस्तरीय बालकल्वका अध्यक्ष बिशाल यादबले बताए ।
अन्तराष्ट्रिय बालअधिकार महासन्धिले पारित गरेको अधिकार अनुसार बालबालिकाहरूको बचाउ, बाल संरक्षण, बालविकास तथा बाल सहभागिता सम्बन्धमा बृहतरूपमा प्रशिक्षण दिएको सबल नेपालका कार्यक्रम संयोजक निरबहादर आले बताए।
प्रशिक्षक आलेले नियमित रूपमा बालभेला भएमा बालबालिकाहरूको सबालको सामाधान गर्न सहज हुने विश्वास व्यक्त गरे, उक्त भेलामा राजबिराज नगरपालिका अन्तर्गतका १६ वटै वडा वाट ४५ जना बालबालिकाहरूको सहभागिता रहेको महिला बालकालिका तथा ज्येष्ठ नागरिक शाखा प्रमुख तथा शाखा अधिकृत अनिता चौधरीले जानकारी दिइन ।
उक्त नगरस्तरीय बालभेला तथा अन्तरक्रिया कार्यक्रममा राजबिराज नगरपालिका निमित प्रमुख प्रशासकीय अधिकृत निरन्जन यादब, कार्यपालिका सदस्य मन्जु खडका, रेखा मण्डल, सोनी रजक, सामाजिक बिकास अधिकृत अनिता चौधरी, पत्रकार चन्दनकुमार यादब लगायतले मन्तव्य राखेका थिए।
राजबिराज स्थित नगरसभा हलमा राजबिराज नगरपालिका महिला बालकालिका ज्येष्ठ नागरिक शाखाको आर्थिक सहयोग र नगरस्तरीय बाल संजालको आयोजनामा तथा सेभद चिल्ड्रेन, स्विडेन सेवरेग, सबल नेपाल, जिल्ला बाल क्लव संजाल को सहयोग र सहकार्यमा बाल भेलाको आयोजना गरिएको हो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |