मधेस प्रदेश पर्यटन क्षेत्र विकासका लागि ‘गुरुयोजना’ आवश्यक

राजबिराज । मधेस प्रदेशमा पर्यटनका विविध क्षेत्रमा प्रचुर सम्भावना छन् तर योजनाबद्ध विकासका लागि ‘पर्यटन गुरुयोजना’ नै नहुँदा यहाँका धार्मिक, सांस्कृतिक, प्राकृतिक एवं ऐतिहासिक महत्वका क्षेत्रको उचित विकास हुन सकेको छैन ।

बिहीबार राजबिराज स्थित आशिया पार्टी प्यालेसमा उधोग वाणिज्य तथा पर्यटन मन्त्रालय तथा नेपाल होटल तथा पर्यटन व्यवसायी महासँघ, मधेश प्रदेश द्वारा स्थानीय, प्रदेश, पर्यटन व्यवसायी र सरोकारवाला बिच बैठक तथा अन्तरक्रिया अवलोकन तथा पर्यटन प्रचार प्रसार कार्यक्रममा सहभागीहरूले सो कुरा बताएको हो ।

मधेश प्रदेश सरकारका उधोग वाणिज्य तथा पर्यटन मन्त्री सकिल मियाँले पर्यटन क्षेत्रलाई प्रवर्द्धन गर्न सरकार गम्भीर रहेको बताए । उनले भने प्रदेश सरकारले योजनाबद्ध रूपमा मठमन्दिरहरूको निर्माण तथा स्तरउन्नती कार्य संचालनमा रहेको बताए ।

उनले भने पर्यटकीय स्थलहरूको संरक्षण सम्वर्द्धन गर्न प्रदेश सरकार योजना रूपमा अगाडि बढेकोले पर्यटन विकासका लागि सबै सरोकारवाला निकाय एकजुट हुनुपर्नेमा जोड दिए ।

पुर्व मन्त्री उमेश यादबले सङ्घ, प्रदेश, स्थानीय तह र निजी क्षेत्रसमेतको समन्वयमा पर्यटन पूर्वाधार निर्माण तथा पर्यटन प्रवर्द्धनका काम गर्न प्रदेश सरकारले विगतदेखि नै पर्यटन गुरुयोजना बनाएर काम गर्ने भने पनि त्यसले मूर्तरूप पाउन नसकेको बताए । 

अहिलेसम्म पर्यटन पूर्वाधार निर्माण र अरु गतिविधि गर्नका लागि गुरुयोजना नभएको बताए । सप्तरी प्रमुख जिल्ला अधिकारी भोला दहालले पर्यटकीय क्षेत्र प्रचार प्रसारको कारण पछाडि परेको बताउँदै भने आम नागरिक, रोकारवाला निकायको चासो नहुदाँ पर्यटनको बिकास हुन नसकेको बताए ।

उनले भने स्थानीय उत्पादन लाई होटल व्यवसायीहरूले पर्यटक लाई आकर्षण गर्न चासो लिनु पर्ने सुझाव दिए । पर्यटकलाई भित्र्याउन सडकहरूले पनि समस्या भएको बताउँदै सरोकारवालाहरूले समयमा निर्माण कार्य सम्पन्न गर्नुपर्नेमा जोड दिए ।

पर्यटकीय स्थलहरूको प्रचार प्रसार गर्न स्थानीय तथा सरोकारवालाहरूलाई पनि पर्यटन प्रवद्वन गर्न सबै सरकारहरू आफ आफनो सहयोग गर्नुपर्नेमा जोड दिए । ’ छिन्मस्ता गाउपालिका अध्यक्ष बिदियान्द चौधरीले सप्तरीमा पर्यटन क्षेत्रको प्रवद्वन गर्न सबै सरोकारवाला निकाय एकजुट भएर पर्यटन विकासमा लाग्नु पर्नेमा जोड दिए ।

उनले भने पर्यटकलाई आकर्षित बनाउन  शक्तिपीठ छिन्नमस्ता मन्दिर जोडन राजबिराज देखि सखडा सडक खण्ड निर्माण कार्य लाई तिव्रता दिन सरोकारवाला गम्भिर बन्नुपर्नेमा जोड दिए ।

नेपाल होटल तथा पर्यटन व्यवसायी महासँघ मधेश प्रदेशका अध्यक्ष मोेहन लामिछानेको अध्यक्षतामा आयोजित कार्यक्रममा रूपनी गाउपालिका अध्यक्ष दिनेश यादब, पुर्व नगरप्रमुख शैलेश चौधरी, उधोग व्यवसायी मनोज मुन्धडा लगायतले पर्यटन क्षेत्रको विकास गर्न सबै एकजुट हुनुपर्नेमा जोड दिए ।