प्रेस स्वतन्त्रता दिवसका अवसरमा पत्रकार महासंघ शाखा सप्तरीमा अन्तरक्रिया

राजबिराज । प्रेस स्वतन्त्रताको ग्यारेन्टी गर्न राज्य पक्ष गम्भीर नभएको संचारकर्मिहरूले आरोप लगाएको छ । विश्व प्रेस स्वतन्त्रता दिवसको अवसरमा नेपाल पत्रकार महासंघ शाखा सप्तरीमा पत्रकार आचारसंहिता र प्रेस स्वतन्त्रता विषयक अन्तरक्रिया कार्यक्रममा सो कुरा बताएको हो ।

जिल्ला समन्वय समिति प्रमुख शिव नारायण साहले पत्रकारिता क्षेत्र प्रति राज्य पक्ष गम्भीर नभएको कारण पत्रकारहरू माथि बारम्बार हमला भएको बताए ।

नेपाल पत्रकार महासंघ केन्द्रीय सदस्य राजु विश्वकर्माले राज्य पक्ष र पत्रकार जिम्मेवार भई इमान्दारिता पूर्वक पत्रकार आचारसंहिता र पूर्ण प्रेस स्वतन्त्रताको ग्यारेन्टी गर्नुपर्नेमा गर्नुपर्नेमा जोड दिए ।  

कार्यक्रममा  प्रमुख जिल्ला अधिकारी भोला दहालले सप्तरीको पत्रकारिता क्षेत्र निष्पक्ष भई सामाजिक विकृति बिरूद्व इमान्दारिता पूर्वक कार्य गरेको प्रशंसा गरे ।

पूर्व अध्यक्ष बैधनाथ झाले पत्रकार जनता प्रति गम्भीर नभएको कारण पत्रकार माथि घटना हुने गरेकोले यस्ता घटना हुन नदिन पत्रकार स्वयम् गम्भीर बन्नुपर्नेमा जोड दिए ।

पूर्व अध्यक्ष विष्णु मण्डलले पत्रकारिता क्षेत्रमा राजनितिकरण र  हाबी कारण पत्रकार असुरक्षित बनेको बताए । उनले भने पार्टीको पक्षमा लागेमा पत्रकार आचार संहिताको उल्लङ्घन भएको दाबी गर्दै भने पत्रकार राजनीति वाट मुक्त हुनुपर्ने भन्दै आफू स्वतन्त्र भएमा कसैले केही गर्न नसक्ने दाबी गरे ।

परिवर्तनको आन्दोलनमा पत्रकारिता क्षेत्रको ठुलो भूमिका रहेकोले प्रेस स्वतन्त्रताको ग्यारेन्टी गर्न राज्य पक्ष गम्भीर हुनुपर्नेमा पुर्व अध्यक्ष मुरली यादवले जोड दिए ।

कार्यक्रममा पुर्व अध्यक्ष धिरेन्द्र प्रसाद साहले प्रेस स्वतन्त्रता ग्यारेन्टीको लागी राज्य पक्ष र पत्रकार स्वयम् संवेदनशिल बन्नुपर्नेमा जोड दिए ।

प्रेस उल्लङ्घन र प्रेस आचारसंहिताको पालना गरेको देखिदैन, आन्दोलनको कार्यक्रममा संचारकर्मिहरूले रिपोटिङ गर्न जाँदा प्रहरीले पत्रकारलाई आन्दोलन कारी जस्तो व्यवहार गर्ने गरेको अवस्था छ ।

नेपाल पत्रकार महासंघ शाखा सप्तरीका अध्यक्ष श्रवण कुमार देवको अध्यक्षतामा आयोजित कार्यक्रमको शाखा सहसचिव डम्बर राईले संचालन गरेका थिए ।