जिल्ला स्तरीय प्रतियोगिताको उपाधि खडक वारियर्सको कब्जामा 

राजबिराज । क्रिकेट विकास प्रतिष्ठान द्वारा संचालित जिल्ला स्तरीय क्रिकेट प्रतियोगिताको उपाधि खडक वारियर्सले हात पारेको छ ।

मंगलवार राजबिराज स्थित पविमाबि खेलमैदानमा रूपनी राईडर्स र खडक वारियर्स बिच भएको फाइनल खेलमा खडकले रूपनीलाई ९६ रनले पराजित गर्दै खडक वारियर्सले उपाधि जितेको हो ।

टस जितेर खडक वारियर्सले ब्याटिंग गर्दै निर्धारित १६ ओभरको खेलमा ५ बिकेट गुमाएर १ सय ९४ रनको विशाल योगफल खडा गरेका थिए । जसमा टिमका लागि अमित यादबले उत्कृष्ट ब्याटिंग गर्दै १० चौका र ५ छक्का को मदतले ९० रन, टिमका लागी अर्का पप्पु यादब (बि) ले  ५१ रन, राहुल बिक २२ रन, नितेश यादब (बि) १० रन बनाएका थिए ।

बलिंग तर्फ रूपनी राईडर्सका गुणान्नद राय र अशोक मेहता २/२ बिकेट तथा रेबति राय १ बिकेट लिएका थिए । प्रतिउतरमा १ सय ९५ रनको लक्ष्य लिएका रूपनी राईडर्सले १५ ओभर २ बलमा सबै बिकेट गुमाएर ९८ रन मात्र बनाउन सकेपछि खडकले ९६ रनले यो फाइनल प्रतियोगिताको उपाधि चुमेको हो । जसमा रूपनीका विकास दास २७ रन, भोला साह २४ रन, ओम प्रकाश ११ रन बनाएका थिए ।

बलिंग तर्फ खडकका पप्पु यादब र जितु यादबले ३/३ बिकेट मोहम्मद सकिम २ बिकेट तथा नितिश यादब (बि)  र राहुल बिकले १/१ बिकेट लिएका थिए । फाइनल खेलको प्लेयर अफ दि म्याच अमित यादब घोषित भएको छ ।

यसैगरी प्रतियोगिताको प्लेयर अफ दि सिरिज पप्पु यादब (बि) , बेस्ट ब्याटर अमित यादब, वेस्ट बलर गुनानन्द राय घोषित भएका थिए ।

उक्त अवसरमा मधेश प्रदेश सभाका सदस्य तथा पुर्व शिक्षा मन्त्री महेश प्रसाद यादब, नेपाल क्रिकेट सँघका केन्द्रीय सदस्य आयुष श्रेष्ठ, राजबिराज वडा १६ का वडा अध्यक्ष रामएकवाल यादब, क्रिकेट बिकास प्रतिष्ठानका अध्यक्ष ई. इन्द्र नारायण देव, सप्तरी क्रिकेट सँघका सचिव चन्दनकुमार यादब लगायतले बिजेता तथा उप बिजेतालाई शिल्ड, कप, मेडल, प्रमाणपत्र प्रदान गरेका थिए भने कार्यक्रमको संचालन क्रिकेट विकास प्रतिष्ठानका सचिव भोगेन्द्र चौधरीले गरेका थिए ।

उक्त प्रतियोगितामा विजेता खडक वारियर्स  ले २१ हजार र उपबिजेता रूपनीले ११ हजार नगद प्राप्त गरेको छ । उक्त अवसरमा प्रमुख अतिथि मधेश प्रदेश सरकारका पुर्व मन्त्री तथा प्रदेश सभा सदस्य महेश प्रसाद यादबले सप्तरी को क्रिकेट विकास सँगै खेलमैदानको निर्माण गर्न प्रदेश सरकार प्रतिवद्ध रहेको बताए ।

उनले भने पविमाबि खेलमैदानलाई राष्ट्रिय स्तरको मैदान बनाउन मास्टर प्लान बनाएर दिन सप्तरी क्रिकेट सँघलाई आग्रह गरेको छ । उनले खेलमैदान लाई ब्यबस्थित बनाई राष्ट्रिय प्रतियोगिताहरू गराउन यस बर्स पनि बजेट निकासा गरेको बताए ।