हनुमाननगर जेल ब्रेक काण्डको ८२ बर्षको सम्झनामा एकता कार्यक्रम

राजबिराज । हनुमाननगर जेल ब्रेकको ८२ वर्षको अवसरमा नेपाल -भारत जनसम्बन्ध एकता कार्यक्रमको आयोजना गरिएको छ । 

बिहीवार राजबिराजमा नेपाल -भारत जनमैत्री एकता मंच सप्तरी द्वारा आयोजित कार्यक्रममा नेपाल-भारत बिचको सम्बन्धलाई सुमधुर बनाउनु पर्नेमा जोड दिएका छन ।

उक्त अवसरमा अबधेश झाले कार्यक्रमको उद्देश्य बारेमा चर्चा गर्दै झाले भारतीय स्वतन्त्रता क्रान्ति संग्राममा हनुमाननगर जेल काण्ड सप्तरीको ठुलो योगदान रहेको चर्चा गरे, स्वतन्त्रता आन्दोलनको  ऐेतिहासिक घटना लाई जनसमुदायमा जनचेतना बढाउनु पर्नेमा जोड दिए ।

सप्तरीको हनुमाननगर जेल काण्डमा यहाँका राणा शासन बिरूद्व होमिएका सप्तरीका अगुवाहरूले अङ्ग्रेजको विरुद्व आन्दोलन गर्दै आएका जयप्रकाश नारायण, डा। राम मनोहर लोहियालाई  हनुमाननगर जेलबाट मुक्त गराई भारत पठाएका थिए ।

पूर्व मन्त्री उमेश यादवको अध्यक्षतामा आयोजित कार्यक्रममा पूर्व प्रमुख निर्वाचन आयुक्त डा अयोधी प्रसाद यादब, इतिहासविज्ञ डा. पिताम्बर यादब, मबिव क्याम्पस प्रमुख डा. सुशील कर्ण, तिलाठीकोईलाडी गाउपालिका अध्यक्ष अरुण कुमार मण्डल, विष्णुकुमार गाउपालिका अध्यक्ष उमेश यादब, नागरिक समाजका अध्यक्ष थानसिंह भन्साली, नेपाल पत्रकार महासँघ शाखा सप्तरी अध्यक्ष श्रवण कुमार देव, समाजसेवी मनोज मुन्द्रा, सञ्चारकर्मी सुरज साह, लगायतले नेपाल-भारत सम्बन्धको बारेमा चर्चा गर्दै हनुमाननगर जेल काण्ड इतिहासलाई जीवन्त राख्नुपर्नेमा जोड दिए ।