राजबिराजमा स्विपर आन्दोलन : सरसफाइ ठप्प, योजना प्रमुखले माफी माग्नुपर्ने माग

राजबिराज । राजबिराज नगरपालिकाको स्विपरहरूको आन्दोलन कारण दुई दिन देखि सरसफाइको काम ठप्प भएको छ । 

सरसफाई कर्मिहरूले तलब माग गर्न जाँदा राजबिराज नगरपालिकाका योजना अधिकृत मनोज यादबले अश्लिल गाली गलौज गरेको भन्दै उनीहरू नगरको सरसफाइको काम पूर्णरूपमा ठप्प पारेको हो ।

अधिकृत यादबले सार्वजनिक रूपमा माफी माग्नू पर्ने र उनको फाट समेत परिवर्तन गर्नुपर्ने स्विपरहरूले माग राख्दै सरसफाइको सामग्री सहित नगरपालिका अगाडि धर्नामा बसेका छन ।

गत बुधवार राजबिराज नगरपालिका कावा नगरप्रमुख ईसरत परविन सँग गत बर्ष असारको १६ दिन काम गरेको तलब माग गर्न जाँदा अधिकृत यादबले आफुहरूलाई  गाली गलौज गरेको स्विपर केबल मेहतर बताए ।

योजना अधिकृत यादबले आफुहरूलाई गाली गलौज गर्दै नगरपालिकामा बाहिरबाटै केटाहरू बोलाएर तोडफोड गरेको स्विपर केबल मेहतरले बताए ।

योजना अधिकृत यादव कै कारण बिहीबार देखि सरसफाईकर्मी कार्यालयको प्रवेशद्वार मै कुचो थुपारेर काम रोक्दा नगरको सरसफाइ कार्य समेत प्रभावित बनेको छ ।

यता राजबिराज नगरपालिका कावा नगर प्रमुख ईसरत परिवनले योजना अधिकृत यादबकै कारण कार्यालयमा काम गर्ने वातावरण बिग्रेको र सरसफाइको कार्य समेत प्रभावित बनेको बताइन ।

उनले कार्यपालिकाको निर्णयको समेत पटकपटक वेवास्ता तथा अवज्ञा गरेका योजना अधिकृत यादवकै कारण नगरपालिकाको विभिन्न विकास निर्माण र योजनाहरू प्रभावित हुँदा प्राप्त बजेटको २० प्रतिशत रकम मात्र अहिले सम्म खर्च हुन सकेको बताएकी छिन् ।

यता कावा नगर प्रमुख इसरत परवीनले आफ्नै कार्यालय सहित विभिन्न फाँट र आफ्नो कार्यकक्षमा समेत पसेर तोडफोड र गालीगलौज गर्दै उपद्रव मच्चाएको भन्दै उनीहरु विरुद्ध बिहीबार प्रहरीमा उजुरी दिएकी छिन ।    

उक्त कार्यमा संलग्न राजविराज नगरपालिका १५ घर भएका योजना शाखाका अधिकृत मनोज कुमार यादव, राजविराज नगरपालिका १३ का गजेन्द्र यादव र राजविराज नगरपालिका ९ का सुधीर यादव सहित ५/६ जनाको समुहमा आएका ब्यक्तिले बुधबार साँझ कार्यालयमा बैठक बसेका बेला विभिन्न फाँट र आफ्नो कार्यकक्षमा प्रवेश गरी सरसमान क्षतविक्षत बनाएको, टि–टेवल, गमला र पानीको जार तोडफोड गरेको र आफूलाई लक्षित गरी अभद्र गाली बचन प्रयोग गरेको उनले उजुरीमा उल्लेख गरेकी छिन ।

उजुरीपत्र मार्फत उनीहरूलाई अविलम्व पक्राउ गरी सार्वजनिक भौतिक संरचनाको अनाधिकृत कब्जा, विनाश एवं आपराधिक उपद्रव तर्फ कारवाही चलाउन माग गरिएको छ । उजुरी मार्फत उनले मुलुकी फौजदारी कार्यविधि संहिता २०७४ को दफा ६ बमोजिम कारवाही हुनु पर्ने माग समेत गरेकी छिन ।

यता राजबिराज नगरपालिकाले हिजो बिहिवार नै स्विपरहरूको गत वर्ष असारको १६ दिनको बाकी तलब खातामा पठाईसकेको नगरपालिकाले जनाएको छ ।