प्रेस जनमत संघको गठन, अवधेश झाको नेतृत्वमा २१ सदस्यीय समिति

राजविराज । जनमत पार्टीको शुभेच्छुक संगठनको रूपमा रहने प्रेस जनमत संघको २१ सदस्यीय केन्द्रीय तदर्थ समिति गठन गरिएको छ । 

आज आइतबार, जनमत पार्टीको केन्द्रीय सचिवालयको निर्णयअनुसार संघीयता, लोकतन्त्र र गणतन्त्रमा आस्था राख्ने पत्रकारहरूको सहभागितामा समिति गठन गरिएको हो ।

संघको केन्द्रीय अध्यक्षमा सप्तरीका पत्रकार अवधेशकुमार झालाई चयन गरिएको छ भने केन्द्रीय सह-अध्यक्षमा रामनारायण विश्वास रहेका छन । यसैगरी महोत्तरीका ललनकुमार मण्डल केन्द्रीय सचिवको भूमिकामा रहने छन् ।

अन्य केन्द्रीय सदस्यहरूमा जितेन्द्र खड्गा, मनोज मरबिता, बिजयकुमार साह,  सुमित मिश्रा,  अनिल पाण्डे,  केशव लुइँटेल,  शम्भु पण्डित,  शेख मोजिबुरुल्लाह,  मुना ठाकुर, संजय यादव, श्यामल कुमार गिरी, बिजेन्द्र कुमार चौधरी,  वीरेन्द्र कुमार शाह, चन्दन रजक,  चन्दन रौनियार,  भोगेन्द्र साह,  विमला कुमारी र रिना कुमारी केसी रहेका छन् ।

संघको तदर्थ समिति गठनसँगै जिल्ला र प्रदेशस्तरीय समितिहरू गठनको प्रक्रिया पनि अगाडि बढाइएको छ । केन्द्रीय सचिवालयले नवगठित केन्द्रीय समितिलाई सफल कार्यकालको शुभकामना दिँदै पत्रकारितामार्फत जनमत पार्टीको विचार, नीति र दृष्टिकोणलाई प्रभावकारी ढंगले जनसमक्ष प्रस्तुत गर्न आग्रह समेत गरेको छ  ।