मधेश प्रदेश सभा बैठक अनिश्चितकालका लागि स्थगित

जनकपुर । मधेश प्रदेश सभाको बैठक आज पनि नबसी स्थगित गरिएको छ ।

बिहीबार दिउँसो १ बजेका लागि बोलाइएको बैठक बिना कुनै कारबाही सुरु नै नगरी स्थगित गरिएको हो । प्रदेश सभा सचिव बासुप्रसाद कोइरालाले एक सूचना जारी गर्दै बैठक अर्को सूचना नआएसम्मका लागि स्थगित गरिएको जानकारी दिएका छन् ।

हाल मधेश प्रदेशमा आगामी आर्थिक वर्ष २०८२/८३ को बजेट विनियोजनलाई लिएर सत्ता पक्षभित्रै मतभेद देखिएको छ, जसका कारण प्रदेश सभा सञ्चालनमा समस्या आइरहेको छ ।