Memo Khabar 
राजविराज । जनमत पार्टीका अध्यक्ष डा. सीके राउतले शनिबार सप्तरी क्षेत्र नम्बर २ अन्तर्गत राजविराज–९ मा निर्माणाधीन गजेन्द्रनारायण सिंह स्मृति भवन, बातावरण मैत्री पार्क, बुद्ध ध्यान केन्द्र ,ओशो आश्रम र पावर डिप बोरिङ निर्माण कार्यको निरीक्षण गरेका छन् ।
निरीक्षणका क्रममा अध्यक्ष राउतले निर्माण कार्यको प्रगति हेरेका थिए र निर्माण कम्पनीलाई तोकिएको समयमै गुणस्तरीय काम सम्पन्न गर्न निर्देशन दिएका छन् ।
‘जनताको सम्पत्तिमा लापरवाही स्वीकार्य हुँदैन,’ अध्यक्ष राउतले भने, ‘निर्माणको हरेक चरण पारदर्शी र प्रभावकारी हुनु आवश्यक छ ।’ उनले जनताको करबाट निर्माणाधीन संरचनाहरु भएकाले जिम्मेवार ढंगले काम गर्न निर्माण कम्पनीलाई सचेत गराएका छन् ।
निरीक्षण कार्यक्रममा जनमत पार्टी मधेश प्रदेश संसदीय दलका नेता महेशप्रसाद यादव, जिल्ला इञ्चार्ज रामगमन साह तथा पार्टीका स्थानीय नेता तथा कार्यकर्ताहरूको उपस्थिति रहेको थियो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |