प्रेस जनमत संघ सप्तरीको नेतृत्व रुपेश यादवलाई

राजविराज । प्रेस जनमत संघ संगठन विस्तारको क्रममा सक्रिय रूपमा अगाडि बढिरहेको छ । यसैक्रममा सप्तरी जिल्लामा संघको नेतृत्व सम्हाल्ने जिम्मेवारी एभिन्युज टेलिभिजनमा कार्यरत पत्रकार रुपेशकुमार यादवलाई दिइएको छ ।

संघको केन्द्रीय नेतृत्वले यादवलाई सप्तरी जिल्ला समितिको संयोजकको रूपमा चयन गरेको जानकारी गराइएको छ । पत्रकारिता क्षेत्रमा सक्रिय र अनुभवसञ्चय गरेका यादवले संघको संगठन विस्तार, पत्रकार हित र अभिव्यक्ति स्वतन्त्रताको संरक्षणमा सक्रिय भूमिका खेल्ने अपेक्षा गरिएको छ ।

प्रेस जनमत संघले मुलुकभर संगठन विस्तारलाई तीव्रता दिइरहेको छ र पत्रकारहरूलाई संगठित गर्दै स्वतन्त्र तथा उत्तरदायी पत्रकारिता प्रवर्द्धन गर्ने उद्देश्यका साथ अघि बढिरहेको छ ।