सप्तरीको रम्पुरामा एक महिला झुन्डिएको अवस्थामा मृत फेला

राजविराज । सप्तरीको हनुमाननगर कंकालिनी नगरपालिका–१४, रम्पुरा टोलमा एक २६ वर्षीया महिला आफ्नै घरमा झुन्डिएको अवस्थामा मृत फेला परेकी छन् ।

स्थानीय राम नारायण साहकी पत्नी अमिला देवी साहले टिनको घरभित्र झुन्डिएर आत्महत्या गरेको जानकारी मृतकका आफन्तहरूले दिएका छन् । मृतक अमिलाका दुई छोराहरू छन् ।

घटनाबारे जानकारी पाएपछि रम्पुरा मल्हनिया प्रहरी चौकीको टोली घटनास्थलमा पुगेको थियो । प्रहरी चौकी प्रमुख राजेन्द्र यादवले मृतकको शवलाई पोष्टमार्टमका लागि गजेन्द्रनारायण सिंह अस्पताल राजविराज पठाएको जानकारी दिए ।

स्थानीयवासी र मृतकका आफन्तहरूले घटनाको निष्पक्ष अनुसन्धान गरि न्याय सुनिश्चित गर्न सम्बन्धित निकायहरूलाई आग्रह गरेका छन् ।