इन्द्रबहादुर बानियाँ बागमती प्रदेशका छैटौं मुख्यमन्त्री नियुक्त

मकवानपुर । बागमती प्रदेशमा नेपाली कांग्रेसका इन्द्रबहादुर बानियाँ छैटौं मुख्यमन्त्रीको रूपमा नियुक्त भएका छन् । प्रदेश प्रमुख दीपकप्रसाद देवकोटाले आज बानियाँलाई मुख्यमन्त्रीको पद तथा गोपनीयताको शपथ ग्रहण गराएको छ ।

बानियाँ ११० सदस्यीय प्रदेशसभामा कांग्रेस र नेकपा एमाले गठबन्धनको समर्थनमा ६४ सांसदको बहुमतका आधारमा प्रदेश सरकारको नेतृत्व सम्हालेका हुन् । मकवानपुर घर भएका बानियाँ कांग्रेस बागमती प्रदेश समितिका सभापति पनि हो ।

उहाँ बागमती प्रदेशको नेतृत्व सम्हाल्ने छैटौं व्यक्ति हुनुहुन्छ र मकवानपुरबाट मुख्यमन्त्री बन्ने दोस्रो व्यक्ति हुनुहुन्छ । यसअघि बागमती प्रदेशको पहिलो मुख्यमन्त्री डोरमणि पौडेल पनि मकवानपुरका नै थिए ।