राजविराजमा बेवारिसे पुरुषको शव फेला

राजविराज । सप्तरीको राजविराज नगरपालिका- ६, खर्साल टोलस्थित भित्री सडक छेउमा करिब २८-३० वर्ष उमेरका एक अज्ञात पुरुष मृत अवस्थामा फेला परेका छन् ।

प्रहरीका अनुसार मृतक मागी खाई हिँड्ने र तराई मूलका जस्तो देखिने व्यक्ति हुन् । शुक्रबार बिहान घटनाको जानकारी पाएलगत्तै वाडा प्रहरी चौकी राजविराजबाट प्रहरी नायब निरीक्षकको कमाण्डमा टोली खटिएको थियो । घटनास्थललाई सुरक्षित राखी थप अनुसन्धानका लागि जिल्ला प्रहरी कार्यालय सप्तरीबाट प्रहरी निरीक्षकसहितको टोली खटाइएको छ ।

मृतकको हालसम्म पहिचान खुल्न नसकेकाले उनलाई चिनेका जो कोहीले जिल्ला प्रहरी कार्यालय सप्तरी वा नजिकको प्रहरी कार्यालयमा सम्पर्क गर्न प्रहरीद्वारा आग्रह गरिएको छ ।