राजविराज विमानस्थलबाट विदेशी मुद्रा सहित एक व्यक्ति पक्राउ

राजविराज । राजविराज विमानस्थलबाट विदेशी मुद्रासहित एक जनालाई पक्राउ गरेको छ । पक्राउ पर्नेमा सप्तरीको खडक नगरपालिका–११, लंका टोल बस्ने अन्दाजी ३३ वर्षीय मो. खुर्शिद आलम रहेका छन् ।

आइतबार राजविराजबाट बुद्ध एयरको विमानमार्फत काठमाडौं जाने क्रममा आलमको साथबाट साउदी रियाल ३५ हजार ९ सय ७६ रुपैया बरामद भएको हो । प्रहरीका अनुसार, उनीसँग रहेको रकमको वैधता पुष्टि नभएको हुँदा आवश्यक कारबाहीका लागि आन्तरिक राजस्व कार्यालय, ईटहरी सुनसरीमा बुझाउने कानुनी प्रक्रिया अघि बढाइएको छ ।