स्थानिय तहसँग बालबालिकामा विनियोजित बजेट सम्बन्धी विश्लेषण बैठक सम्पन्न

राजविराज । स्थानिय तहसँग आर्थिक वर्ष ०८१/८२ का लागि बालबालिकामा विनियोजित बजेट सम्बन्धी एक दिने विश्लेषण बैठक सम्पन्न भएको छ ।

शुक्रबार राजविराजस्थित एशिया पार्टी प्यालेसमा जिल्ला समन्वय समितिको आयोजनामा, सेभ द चिल्ड्रेनको सहयोग र सबल नेपालको प्राविधिक तथा आर्थिक सहयोगमा उक्त कार्यक्रम गरिएको हो ।

बैठकमा जिल्लाका १८ वटै पालिकाका महिला विकास अधिकृतहरूले बालबालिकासम्बन्धी बजेट कार्यान्वयनको प्रगति प्रतिवेदन प्रस्तुत गरेका थिए ।

सबल नेपालका कार्यक्रम संयोजक तथा सहजकर्ता नीरबहादुर आलेका अनुसार, उक्त बैठकको उद्देश्य जिल्लास्तरका सबै पालिकाको प्रगति प्रतिवेदन संकलन गर्ने, प्रदेश बालबालिका सम्बन्धी ऐनबारे सचेतना जगाउने तथा पालिकाहरूले गरेका पूर्वघोषित प्रतिबद्धताहरूको पुनरावलोकन गर्नु रहेको थियो ।

जिल्ला समन्वय समितिका प्रमुख शिव नारायण साहको अध्यक्षतामा सम्पन्न कार्यक्रममा जिल्ला समन्वय समितिका उप–प्रमुख शम्भु यादव, विष्णुपुर गाउँपालिकाकी उपाध्यक्ष रेनु कुमारी यादव, छिन्मस्ता गाउँपालिकाकी उपाध्यक्ष राजु देवी यादव, सबल नेपालका उपाध्यक्ष भुपेश साहलगायत विभिन्न पालिकाका प्रमुख प्रशासकीय अधिकृत, महिला, बालबालिका तथा ज्येष्ठ नागरिक शाखा, बाल कल्याण अधिकारी, जिल्ला बाल क्लब सञ्जालका प्रतिनिधि र सञ्चारकर्मीहरूको सहभागिता रहेको थियो ।