चन्दन यादब 
सिरहा । सिरहाको मिर्चैयामा सम्पन्न दोस्रो अधिवेशनले अभरेन्द्र यादवलाई प्रेस मञ्च नेपालको मधेश प्रदेश समितिको अध्यक्षमा सर्वसम्मत चयन गरेको छ । अधिवेशनले मुख्यसचिवमा सप्तरीका प्रवेश कुमार मिश्रलाई जिम्मेवारी दिएको छ ।
दुई दिनसम्म चलेको अधिवेशनबाट अध्यक्ष यादवसहित २१ सदस्यीय प्रदेश समिति गठन गरिएको हो ।
समितिमा उपाध्यक्षमा धनुषाका रामहृदय यादव र माला राय, सचिवमा महोत्तरीका नागेन्द्र यादव र पर्साकी प्रभा कुमारी यादव, समावेशी सचिवमा रौतहटका राम पुकार राउत र सर्लाहीका सरोज कुमार यादव चयन भएका छन् । त्यस्तै, कोषाध्यक्षमा राजेश कुमार सिंह चयन भएका छन् ।
सदस्यमा रौतहटका उमेश यादव, बारा का राजेश प्रसाद यादव, सिरहाका शितल साह र ओमप्रकाश यादव, धनुषाका विनय कुमार अधिकारी र ब्रह्मानन्द ठाकुर तथा रौतहटका मेवालाल यादव रहेका छन् ।
महिला सदस्यमा रश्मी पटेल (रौतहट), आदिवासी जनजाति तर्फ सिरहाका जितेन्द्र सिंह दनुवार र सर्लाहीका ज्ञानेश्वर मण्डल तथा मुस्लिम सदस्यमा साविर आलम चयन भएका छन् ।
अधिवेशनमा मधेश प्रदेशका आठै जिल्लाबाट प्रतिनिधिहरूको सहभागिता रहेको थियो । अन्य प्रदेशका जिल्ला र केन्द्रिय परिषद् सदस्यहरूको सहमतिकै आधारमा अध्यक्ष यादव सर्वसम्मत चयन भएको निर्वाचन समितिका सदस्य शिव अधिकारी यदुवंशीले जानकारी दिए । उनका अनुसार समिति दुई पक्षबीचको सहमतिअनुरूप सर्वसम्मत गठन भएको हो ।
अधिवेशनको उद्घाटन कार्यक्रममा प्रेस मञ्च नेपालका अध्यक्ष कमन देवान, कार्यवाहक अध्यक्ष मनोज कुमार यादवसहित केन्द्रिय पदाधिकारीहरूको उपस्थिति रहेको थियो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |