चन्दन यादब 
राजविराज । सप्तरीको तिलाठी कोइलाडी गाउँपालिका–३ सकरपुरामा लक्ष्मी पुजा तथा छठ पूजाको अवसरमा मेला तथा सांस्कृतिक कार्यक्रमको आयोजना गरिने भएको छ ।
आयोजक समितिका अनुसार श्री रा.प्रा.वि.–४ विद्यालयको प्राङ्गणमा शनिबारदेखि सुरु हुने कार्यक्रम चार दिनसम्म सञ्चालन हुनेछ । शनिबारको दिन मूर्ति पूजासँगै स्थानीय युवाहरूको सहभागितामा नाटक प्रदर्शन गरिनेछ ।
आइतबार साँस्कृतिक कार्यक्रमको आयोजना हुनेछ भने सोमबार भक्ति जागरण कार्यक्रम रहनेछ । मंगलबार मूर्ति विसर्जन गरी कार्यक्रम सम्पन्न हुनेछ । समितिका संयोजक उग्रकान्त झाले पत्रकार सम्मेलनमार्फत जानकारी दिएका छन् ।
यस वर्षको मेलाको उद्घाटन जनमत पार्टीका अध्यक्ष डा. सिके राउतले गर्ने कार्यक्रम रहेको आयोजक समितिका उपाध्यक्ष अशोक मण्डलले जानकारी दिएका छन् ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |