चन्दन यादब 
राजविराज । छठ पर्वको अवसरमा महिला अधिकारकर्मी तथा समाजसेवी सुनिता साहले ब्रतालु महिलाहरुलाई सारी वितरण गरेकी छन् ।
शुक्रबार मधेश महिला फाउन्डेशन नेपालद्वारा राजविराजस्थित पुरानी पोखरी महाड क्षेत्रमा बसोबास गर्ने करिब २५ जना महिलाहरुलाई सारी प्रदान गरिएको हो ।
फाउन्डेशनकी अध्यक्षसमेत रहेकी साहका अनुसार धार्मिक र सामाजिक भावनालाई सशक्त बनाउने र महिलामा उत्साह जगाउने उद्देश्यले यो कार्यक्रम आयोजना गरिएको हो ।
विगतदेखि नै उनले छठ पर्वलगायत विभिन्न धार्मिक तथा सामाजिक अवसरहरूमा सहयोग र वितरण कार्यक्रम सञ्चालन गर्दै आएकी छन् ।
उनले भनिन्, “छठ पर्व श्रद्धा, आस्था र स्वच्छताको प्रतीक हो। यस पर्वले महिलामा धार्मिक ऊर्जा र आत्मबल वृद्धि गर्छ ।”
कार्यक्रममा स्थानीय महिला समूह, युवाहरू तथा श्रद्धालुहरूको सक्रिय सहभागिता रहेको थियो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |