चन्दन यादब 
राजविराज । राजविराज वडा नं. २ स्थित मधेश प्रदेशका पूर्व मुख्यमन्त्री सतिश कुमार सिंहको घर छेउमै डम्पिङ साइट बन्दै गएको छ ।
वडाका प्रतिष्ठित व्यक्तिहरूको बस्ती रहेको उक्त क्षेत्रमा स्थानीयहरूले वर्षौंदेखि सिंहको घर अगाडिको खाली जग्गालाई फोहर फाल्ने स्थलका रूपमा प्रयोग गर्दै आएका छन् ।
गजेन्द्र नारायण सिंह अस्पतालका पूर्व मेसु डा. मुरली सिंहको घरदेखि पूर्वतर्फ जोडिने सडकछेउमा रहेको उक्त स्थानमा फोहर थुपारिँदा बस्ती दुर्गन्धित बनेको स्थानीय अधिवक्ता धर्मेन्द्र यादवले बताए ।
फोहर र वर्षौंदेखि जमेको पानीका कारण दुर्गन्ध फैलिँदा वरपरका बासिन्दा नाक बन्द गरेर हिँड्न बाध्य भएको स्थानीय सुशील यादवको भनाइ छ ।
राजबिराज नगरपालिका–२ का वडा अध्यक्ष अरुण यादवलाई फोहर व्यवस्थापनका लागि पहल गर्न आग्रह गरे पनि उनले वास्ता नगरेको अधिवक्ता धर्मेन्द्र यादवले आरोप लगाए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |