







 चन्दन यादब
चन्दन यादब 
 
  
 राजविराज । राजविराज नगरपालिका–११ झलहीका दिलीप यादवलाई अपरिचित समूहले अपहरण गर्न प्रयास गरेको छ ।
घटना बिहीबार राति करिब ११ बजे भएको हो । दिलीप यादव आफ्नै घरमा सुतिरहेको अवस्थामा दुईवटा स्कारपियो गाडी (मे १ च ४१७७ र प्रदेश १–०२–००२ च ७६०७) मा आएका व्यक्तिहरूले उनलाई जबरजस्ती अपहरण गर्न खोजेका थिए ।
पीडित यादवका अनुसार ती व्यक्तिहरूले कुटपिट गर्दै उनलाई गाडीमा हाल्ने प्रयास गरेका थिए । तर, स्थानियवासीहरूले प्रतिकार गरेपछि ती अपरिचित व्यक्ति गाडी सहित फरार भएका थिए ।
दिलीपका भतिज शिव प्रकाश यादवका अनुसार विदेश रोजगारका नाममा रकम ठगी गरेको आरोप लगाउँदै ती व्यक्तिहरूले जबरजस्ती उनलाई नियन्त्रणमा लिन खोजेका थिए ।
घटनापछि दुबै स्कारपियो गाडी र तिनका चालकलाई जिल्ला प्रहरी कार्यालय सप्तरीले नियन्त्रणमा लिएको छ ।
यस विषयमा जिल्ला प्रहरी कार्यालय सप्तरीका प्रहरी उपरीक्षक गौतम कुमार केसीले घटनाको अनुसन्धान भइरहेको जानकारी दिएका छन् ।



हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |