राजविराज नगरपालिकाद्वारा हिंसा पीडितलाई न्याय दिलाउने निर्देशिका सार्वजनिक

राजविराज । राजविराज नगरपालिकाले महिला तथा बालबालिकाविरुद्ध हुने हिंसा सम्बोधन गर्न ‘सिफारिस प्रणाली सम्बन्धी निर्देशिका–२०८२’ सार्वजनिक गरेको छ ।

आइतबार नगरपालिकाको सभाहलमा “प्रविधिको सही प्रयोग गरौं, लैंगिक हिंसाको अन्त्य गरौं” भन्ने नारा सहित सञ्चालन भइरहेको लैंगिक हिंसाविरुद्धको १६ दिने अभियानको अवसर पारेर उक्त निर्देशिका सार्वजनिक गरिएको हो । यस अवसरमा महिला तथा बालबालिकाविरुद्ध हुने हिंसा रोकथामसम्बन्धी स्थानीय नीति पनि सार्वजनिक गरियो ।

कार्यक्रममा प्रमुख अतिथिका रुपमा बोल्दै पूर्व संघीय सांसद रञ्जु ठाकुरले महिला हिंसा न्यूनीकरण गर्न महिलालाई आर्थिक रूपमा सशक्त बनाउनु अपरिहार्य रहेको बताइन्। नगरपालिकाले तयार पारेको निर्देशिका पीडितका लागि प्रभावकारी हुने विश्वास व्यक्त गर्दै उनले निर्देशिकामा उल्लेख गरिएका नीति तथा नियम प्रभावकारी रूपमा कार्यान्वयन गर्न जनप्रतिनिधिहरूलाई आग्रह गरिन् ।

राजविराज नगरपालिकाकी कार्यवाहक नगरप्रमुख इसरत परविनले निर्देशिकाका आधारमा हिंसा पीडितलाई सेवा सहित न्याय दिलाउन नगरपालिका गम्भीर रूपमा लागिरहेको बताइन्। उनले नगरपालिकामा दर्ता हुने उजुरीहरूको समाधानका लागि निर्देशिकालाई पूर्ण रूपमा कार्यान्वयन गर्ने प्रतिबद्धता व्यक्त गरिन् ।

नगरपालिकाका सूचना अधिकृत सुरेश यादवका अनुसार निर्देशिकामा मनोसामाजिक सेवा, सुरक्षा तथा आवासको व्यवस्था, कानुनी उपचार, शिक्षा तथा उद्धार, प्राथमिक उपचारलगायत सेवा प्रदान गर्ने स्पष्ट कार्यविधि समावेश गरिएको छ ।

विदेह फाउन्डेशनका म्यानेजर राघव प्रताप ठाकुरले महिला तथा बालबालिकाविरुद्ध हुने हिंसा न्यूनीकरणका लागि नगरपालिकाले सार्वजनिक गरेको निर्देशिका कार्यान्वयन गर्न स्थानीय सरकारसँग समन्वय गरी प्रत्येक वडावासीमा सचेतना फैलाइने बताए ।

उक्त अवसरमा महिला, कानुन र विकास मञ्चकी अधिवक्ता सजनी केसीलाई पाग, कदरपत्र र गम्छाबाट सम्मान गरिएको थियो। सम्मान ग्रहणपछि बोल्दै अधिवक्ता केसीले लुम्बिनी र मधेश प्रदेशमा महिला हिंसाका घटनाहरू तुलनात्मक रूपमा बढी देखिएकाले त्यसको नियन्त्रणका लागि महिला, कानुन र विकास मञ्चले निरन्तर कार्यक्रम गर्दै आएको जानकारी दिइन् ।

कार्यक्रममा कार्यवाहक नगरप्रमुख इसरत परविन, वडा नं. ६ का अध्यक्ष शशी चौधरी, वडा नं. ७ का अध्यक्ष सुभाष यादव, कार्यपालिका सदस्य सो

साे अवसरमा राजबिराज नगरपालिका कावा नगर प्रमुख ईसरत परविन, वडा ६ का अध्यक्ष शशी चाैधरी, वडा ७ का अध्यक्ष सुभाष यादब, कार्यपालिका सदस्य साेनी रजक, लगायतले हिंसा नियन्त्रण गर्ने सार्वजनिक गरेकाे निर्देशिका कार्यान्वयन गर्नुपर्नेमा जाेड दिए भने कार्यक्रमकाे संचालन ज्याेतिष यादबले गरेका थिए ।

राजबिराज नगरपालिकाकाे अायाेजनामा तथा महिला, कानुन र बिकास मंचकाकाे सहयाेग र बिदेह फाउन्डेशनकाे समन्वयमा
स्थानिय नीति सार्वजनिक तथा अभिनन्दन कार्यक्रममा निर्देशिका सार्वजनिक गरिएकाे थियाे ।