पालिका उपाधिका लागि सकरपुरा र बरसाईन भिडदै

राजबिराज । बभनगमा कट्टीमा जारी तिलाठी कोईलाडी गाउपालिका स्तरीय टि ट्वान्टी प्रतियोगिताको उपाधिको लागी को. बरसाईन र सकरपुरा भिडने भएको छ ।

शुक्रवार सम्पन्न पहिलो सेमिफाइनल खेलमा वडा वडा ५ ले वडा ७ लाई ४ बिकेटले र वडा ३ ले वडा १ लाई ११ रनले पराजित गर्दै फाइनलमा प्रवेश गरेको हो ।

पहिलो टस जितेर वडा ७ मन्सापुरले १७ ओभरमा ३ वलमा १० बिकेटको क्षतिमा ९० रनको योगफल खडा गरेका थिए । जसमा सन्त मण्डलले २४ रन बनाउँदै अविजित रहेपनि अन्य कुनै पनि खेलाडी दोहोरो अंक पार गर्न सकेन ।

बलिंग तर्फ वडा ५ दिपेश सरदार, दिपेश मण्डलले समान्य २/२ बिकेट तथा विशाल शर्मा, राजा राय, गोलु राय, राजेश राय १/१ बिकेट हात पारेका थिए ।

प्रतिउतरमा वडा ५ ले १७ ओभर ४ बलमा ६ बिकेट गुमाएर बिजयी भए सँगै फाइनलमा प्रवेश गरेको हो । जसमा दिपेश सरदार २४ रन अविजित खेलेका थिए भने राजेश रजकले १३ रन बनाएका थिए । प्लेयर अफ दि म्याच बिजयी टिमका दिपेश सरदार घोषित भएका थिए।

यसैगरी आजै सम्पन्न वडा ३ र वडा १ बिच भएको दोस्रो सेमिफाइनलमा टस जितेर सकरपुराले १५ ओभरमा ४ बिकेट गुमाएर ९७ रनको लक्ष्य खडा गरेका  थिए। समा साकेत सिँह २७ रन, अमित मण्डल २६ प्रदिप मण्डल १७ रन बनाएका थिए ।

बलिंग तर्फ वडा १ तिलाठीका सक्देश झा र आलोक झाले २/२ बिकेट हात पारेका थिए । प्रतिउत्तरमा वडा १ तिलाठीले १४ ओभर ४ बलमा सबै बिकेट गुमाई ८६ रन मात्र बनाउन सकेका थिए ।

जसमा सक्देश झाले २९ रन, अमिर रायले २० रन बनाएपनि सकरपुरा सँग तिलाठी झिनो अन्तरले पराजित हुन पुगेको हो ।

बलिंग तर्फ सकरपुराका बिजय मुखिया ४ बिकेट, अभय मण्डल ३ र प्रदिप मण्डलले २ बिकेट लिए । खेलको प्लेयर अफ दि म्याच बिजय मुखिया घोषित भएको प्रतियोगिता संयोजक ज्ञानेन्द्र कुमार यादबले जानकारी दिए ।

भोलीको फाईनल सकरपुरा र को. बरसाईन बिच हुने आयोजकले जनाएको छ ।