राजबिराजकाे खर्सालमा महाविष्णु महायज्ञ सुरु

राजविराज । सप्तरीको राजविराजकाे खर्सालमा महाविष्णु महायज्ञ सुरु भएको छ । राजविराज नगरपालिका ७ स्थित खर्शालमा ९ कुण्डीय  महाविष्णु महायज्ञ सुरु  भएको हो ।

बिहिबारदेखि सुरु भएको यो महायज्ञ नौ दिनसम्म चल्ने महाविष्णु महायज्ञका ब्यबस्तापन समितिको संयोजक खुसीलाल यादवले बताएका छन् । यज्ञमा बिहान वेद ध्वनी, कलश पुजा, हवन, भोग आरती,कथा प्रवचन र साँझ रासलिला कार्यक्रम रहेको उनले बताए ।

‘नौ दिन सम्म यो महायज्ञ चल्नेछ, यहाँ कथा प्रवचनको‌ लागि भारतको अयोध्याबाट पंडित भगवान शरणदास र देवी चन्द्रकला आउनुभएकी छिन्, उहाँहरुले संध्याकालिन कथा प्रवचन गर्नुहुन्छ,’ उनले भने, ‘यस यज्ञको मुख्य उद्देश्य राष्ट्र कल्याण नै हो ।’