रामराजा सिंह स्वास्थ्य विज्ञान प्रतिष्ठानको कार्य तिव्र रुपमा अगाडी बढ्नेछ : उप प्रधान्मन्त्री यादव

गजेन्द्र नारायण सिँह अस्पताललाई देशकै नमुना

अस्पताल बनाउने लक्ष्य

राजबिराज । नेपाल सरकारका उपप्रधान एवं स्वास्थ्य तथा जनसंख्या मन्त्री तथा जनता समाजवादी पार्टी का राष्ट्रिय अध्यक्ष उपेन्द्र यादवले सदरमुकाम राजविराज स्थित गजेन्द्र नारायण सिंह अस्पताललाई देशकै नमूना अस्पतालको रुप दिने आफ्नो लक्ष्य रहेको बताउनु भएकाे छ।

जनता समाजवादी पार्टी सप्तरीद्वारा शुक्रवार राजविराज स्थित जिल्ला समन्वय समितिको सभाकक्षमा आयोजित स्वागत तथा सम्मान कार्यक्रमलाई प्रमुख अतिथीको आसनबाट सम्बोधन गर्दै उनले यस्तो बताएका हुन् ।

मन्त्री यादबले लक्ष्य अनुसार भवन निर्माणको कार्यक्रम सम्पन्न भई सकेको र छिट्टै हस्तारण हुने तथा त्यस पश्चात जाँचका आधुनिक मेसिनहरु जडान हुने बताए ।

गजेन्द्र नारायण सिंह अस्पताल नयाँ भवनमा संचालन भए लग्नै राजविराज नगरपालिका वडा नं. १० स्थित रामराजा स्वास्थ्य विज्ञान प्रतिष्ठानको कार्य पनि तिव्र रुपमा अगाडी बढाउने बताए ।

विकासको दृष्टिकोणले पछाडी परेको छ भने गरिबी र बेरोजगारी मात्रै अगाडी बताएका बताउँदै सप्तरीका विकासमा यहाँको केही तत्व नै अवरोध सृजना गरी रहेको कारण विकासको मामिलामा सप्तरीको बदनामी देशभरिमा भई रहेको बताए ।

जनता समाजवादी पार्टीले सप्तरीको विकासको लागि राखेको सोच अनुसार सप्तरीको विकास निश्चित रुपमा सम्भव हुने भन्दै मन्त्री यादवले सप्तरीको विकासको लागि आफु प्रतिबद्ध रहेको बताए ।

सदरमुकाम राजविराजलाई आधुनिक शहरको रुपमा बनाउने र त्यसको लागि रिंगरोड लागतका कामहरु संचालनमा रहेको भन्दै समग्र सप्तरीको विकासको लागि सडक संजाल नै जारी रहेको मन्त्री यादवले बताए ।

कार्यक्रममा संघीय सांसद रंजु ठाकुर, मधेश प्रदेश सरकारका पूर्व अर्थमन्त्री शैलेन्द्र प्रसाद साह, प्रदेश सांसद अनरिुद्ध प्रसाद सिंह यादव, राजविराज नगरपालिकाका निलिम्बत नगर प्रमुख भिमराज यादव, कार्यवाहक नगर प्रमुख इसरत परवीण, समाजवादी युवा संघका केन्द्रिय सदस्य राजेश कुमार राय ”राहुल“, प्रेम मंच सप्तरीका अध्यक्ष भुषण सिंह, तिरहुत गाउँपालिकाका निवर्तमान अध्यक्ष मनोज बहरखेड यादव, जसपा प्रदेश कार्यकारिणनी सदस्य दिनेश यादव, राजविराज नगरपालिकाका पूर्व नगर प्रमुख शैलेश चौधरी, राजनीतिक समिति सदस्य विनोद चौधरी लगायतले आआफ्ना विचार राखेका थिए ।