राजदेवीमा एक महिने सिलाई कटाई सीप विकास तालिम सम्पन्न

राजबिराज । राजबिराज वडा- २ मा गरिबी निवारण र आयआर्जन गर्नका लागि महिलाहरूलाई एक महिने सिलाई कटाई सीप विकास तालिम सम्पन्न गरेको छ । 

शुक्रवार राजबिराज नगरपालिकाको आयोजनामा तथा गरिबी निवारणका लागि लघु उधम विकास कार्यक्रम (मेडपा) अन्तर्गत एक महिने तालिमको आयोजना गरिएको हो । 

उक्त अवसरमा राजबिराज नगरपालिका कावा नगर प्रमख ईसरत परविनले सीप विकास तालिमबाट सिकेका कुरा व्यवहार उतार्दै व्यवसाय तर्फ महिलाहरू अग्रसर हुन आग्रह गरेका छिन । कार्यक्रममा का.वा नगर प्रमुख ईसरत परविन र वडा अध्यक्ष अरूण यादबले सहभागीहरूलाई सिलाई मेसिन तथा प्रमाणपत्र बितरण गरेकी छन । 

सानो सीप सिकेर सानो पुँजीबाट व्यवसाय गर्न सीप विकास तालिमबाट आयआर्जन गर्ने उद्देश्य सिलाई कटाई सीप विकास तालिमको आयोजना गरिएको गरिबी निवारणका लघु उधम विकास कार्यक्रमका उधम विकास सहजकर्ता कमली शर्माले बताइन । 

उधम विकासका लागि यस आर्थिक वर्षमा वडा ३ मा एक महिने ब्युटिसियन, वडा १३ र १४ मा पुरानो उधमीलाई प्रविधि कृषि मोटर, पम्प, बिरुवा तथा बिउ बिजन,कृषकलाई कोटाल लगायतका सामग्री बितरण गरेको सहजकर्ता कमली शर्माले बताइनँ । 

वडा २ का वडा अध्यक्ष अरूण यादबको अध्यक्षतामा आयोजित समापन कार्यक्रममा राजबिराज नगरपालिका कार्यपालिका सदस्य मंजु खडका, राजबिराज नगरपालिका योजना अधिकृत मनोज यादब, स्वास्थ संयोजक निरन्जन यादब, वडा सदस्य राजु उद्विन खाँ, पत्रकार चन्दन यादब, लगायतले शुभकामना मन्तव्य दिएका थिए । 

उक्त तालिममा राजबिराज वडा- २ का २१ जना महिला सहभागिता रहेको थिए भने तालिमको राजुउद्विन खाँ र लक्ष्मी रजकले प्रशिक्षण दिएका थिए ।