चन्दन यादब 
राजबिराज । २५औँ अन्तराष्ट्रिय युवा दिवसको अवसरमा युवा संजाल द्वारा १८ वटै पालिकामा वृक्षारोपण कार्यक्रम गरी मनाइएको छ ।
सोमवार जिल्लाको सप्तकोशी नगरपालीकाको समन्वयमा तथा युएसएआइडीको आर्थिक सहयोग र द एसिया फाउन्डेसन कार्यान्वयन संस्था र सबल नेपालद्वारा सञ्चालित नागरिक समाज र सञ्चार कार्यक्रम अन्तर्गत सीमान्तकृत समुदायका किशोर किशोरी, युवा, महिलाहरुको अधिकार अभियानका लागि गठित युवा सञ्जालले सो वृक्षारोपण कार्यक्रमको आयोजना गरेको हो ।
संजालका अध्यक्ष बिपिन चौधरीको अध्यक्षतामा तथा नगर प्रमुख कृष्ण ढकाल सहितको सहभागितामा पालिकाको विभिन्न सार्वजनिक ठाउहरूमा १ हजार भन्दा बढी बिभिन्न जातका बोटबिरूवाहरू रोपेका छन।
यसैगरी तिलाठीकोईलाडी नरसिंह मावि बभनगामाकट्टीबाट शुरु भएको वृक्षारोपण कार्यक्रम गाउँपालिकाको आठ वटै वडामा ५ सय भन्दा बढी बिरुवाहरू रोपेका छन । माविकट्टीमा गाउँपालिकाका अध्यक्ष अरुण कुमार मण्डलले विरुवा रोपेर वृक्षारोपण कार्यक्रम शुभारम्भ गरेका थिए । वृक्षारोपणको शुभारम्भ गर्दै अध्यक्ष मण्डलले वृक्षारोपणले जलवायु परिवर्तको अवसरबाट जोगिन मद्दत गर्ने भएकोले यस बर्ष गाउँपालिकाले निजी वन लगाउन प्रोत्साहन गर्ने उद्देश्यले निजीवन प्रबद्र्धन कार्यक्रम सञ्चालन गर्न लागेको बताए ।
युवा सञ्जालका अध्यक्ष सुशीलकुमार मण्डलको अध्यक्षतामा आयोजित वृक्षारोपण कार्यक्रममा वडा नं। ७ का वडा अध्यक्ष हरिनारायण मण्डल, गाउँपालिकाका विपद् व्यवस्थापन अधिकृत राजेश कुमार झा, विद्यालय व्यवस्थापन समितिका अध्यक्ष सूर्यनारायण यादव, प्रधानाध्यापक विपिन झा, सञ्जालका पदाधिकारीसहितको सहभागिता रहेको थियो ।
त्यस्तै जिल्लाको तिरहुत गाउपालिका स्तरिय युवा संजालका अध्यक्ष रामकुमार रजक, कंचनरूप नगरपालिका स्तरिय युवा संजालका मुकेश मरैता यादब, अग्नीसाईरकृष्णा सवरणमा महेश प्रसाद यादब, महादेवा युवा संजालका अध्यक्ष अनिल कुमार यादब, डाक्नेशवरी युवा संजालका अध्यक्ष मो। मजेबुलाह, बोदेबरसाईन युवा संजालका अध्यक्ष रोशन कुमार यादब, रूपनी युवा संजालका अध्यक्ष असोक यादब, बिष्णुपुर युवा संजालका अध्यक्ष मदन मण्डल, हनुमाननगर युवा संजालका अध्यक्ष रामसुन्दर यादब र राजगढ संजालका सदस्य प्रेम कला मालीको अगुवाईमा १४ हजार भन्दा बढी विभिन्न जाातका बिरुवा रोपेका सबल नेपाल नागरिक, समाज तथा संचार कार्यक्रम अधिकृत सबनम यादबले बताईन ।
यसैगरी आजै संघिय महिला, बालबालिका तथा ज्येष्ठ नागरिक मन्त्री माननीय नवल किशोर साह एवं संघिय खानेपानी तथा सरसफाइ मन्त्री प्रदिप यादवले संयुक्त रुपमा विरुवा रोपेर अभियानको उदघाटन गरेका थिए । मन्त्रीद्वयवाट राजविराजस्थित पव्लिक बिन्देश्वरी माध्यमिक विद्यालयको प्रांगणमा बिरुवा रोपेर शुभआरम्भव गरेका थिए ।
त्यस्तै राजदेवि माध्यमिक विद्यालय, केअ माध्यमिक विद्यालय, वस पार्क लगायतको स्थानमा समेत विभिन्न प्रजातिका विरुवाहरु रोपिएको छ । सबल नेपाल, सप्तरी युथ नेपाल एवं सप्तरी क्रिकेट संघले सप्तरीले जिल्लाभरीमा १४ हजार भन्दा बढी संख्यामा बिरुवा रोपेको हो । सप्तरी क्रिकेट संघले गत वैशाखमा आयोजना गरेको सप्तरी प्रिमियर लिग छैठो संस्करणको क्रिकेट प्रतियोगिता अन्र्तगत खेलाडीले हान्ने हरेक छक्कामा ५० वटा रुख रोप्ने घोषणा सबल नेपाल, सप्तरी युथ नेपाल र सप्तरी क्रिकेट संघद्धारा संयुक्त रुपमा घोषणा गरिएको सप्तरी क्रिकेट सँघका अध्यक्ष आयुष श्रेष्ठले बताए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |