चोरीपैठारीको लेडिज चप्पल र मोटरसाईकलसहित खान पक्राउ

राजविराज । भारतबाट भन्सार छली गरी ल्याउँदै गरेको लाखौको लेडिज चप्पल र मोटरसाइकल सहित एकजनालाई प्रहरीले नियन्त्रणमा लिएको छ ।

राजगढ गाउँपालिका वाड नम्बर- ६ बस्ने अन्दाजी वर्ष ३७ को ईस्माईल खानलाई सोमबार नियन्त्रणमा लिएको हो । इलाका प्रहरी कार्यालय विष्णुपुर बाट खटिएको प्रहरी टोलीले चेक जाँच गर्ने क्रममा उनलाई नियन्त्रणमा लिएको प्रहरीले जनाएको छन् ।

विष्णुपुर गाउँपालिका वाड नम्बर-३ मुसहर्निया टोल हनुमान चौक सडक खण्ड स्थित झुटकी तर्फ बाट राजबिराज आँउदै गरेको नम्बर प्लेट नदेखिएको १२५ सि.सिको भारतीय सीबीजेड मोटरसाइकल पछाडि सेतो बोरा लोड गरी ल्याउँदै गरेको उक्त बोरा चेकजाँच गर्दा भारतबाट अवैध रुपमा भन्सार छली चोरी पैठारी गरी ल्याएको १ लाख ३१ हजार बराबरको लेडिज चप्पल फेला परेको  प्रहरी जनाएको छ । 

नियन्त्रणमा लिएको चप्पल तथा मोटरसाइकल सहित खानलाई आवश्यक कारवाहीको लागि राजविराज भन्सार कार्यालयमा बुझाइएको जिल्ला प्रहरी कार्यालय सप्तरीले जनाएको छ ।