छुरा प्रहारबाट दुई युवक घाइते, एक पक्राउ

राजविराज । सप्तरीको राजविराजमा छुरा प्रहारबाट दुई युवक घाइते भएका छन् । राजविराज- ७ स्थित सिरहा रोडमा बुधबार बेलुका छुरा प्रहारबाट डाक्नेश्वरी नगरपालिका- ७ ब्रहम्प्रपुर बस्ने २६ वर्षीय सुनिल यादव र महदेवा गाउँपालिका–४ का २५ वर्षीय सुभाष यादव घाइते भएका हुन् ।

एकै समुहमा रहेका उनीहरूबीच झडप हुँदा छुरा प्रहार भएको प्रहरीको भनाई छ । छुरा प्रहार गर्ने मध्ये विरेन्द्र यादवलाई पक्राउ गरि अनुसन्धान थालिएको सप्तरी प्रहरी प्रमुख एसपी ढकेन्द्र खतिवडाले बताए । उनले झगडा के कारणले भएको खुल्न नसकेको बताए । 

घाइतेहरूको राजविराजस्थित छिन्नमस्ता अस्पतालमा उपचार भइरहेको प्रहरीले जनाएको छ ।