राजगढमा समाजवादी युवा र महिला संघ गठन

राजबिराज । सप्तरीको राजगढ गाउँपालिकामा जसपा नेपाल निकट समाजवादी युवा संघ र समाजवादी महिला संघ गठन भएको  छ । राजगढ गाउँपालिका स्थित झौरहा चौकमा आइतबार आयोजित एक समारोहका बीच गाउँपालिका स्तरीय समिति गठन गरिएको हो । 

जसपा नेपाल राजगढ गाउँपालिकाद्वारा आयोजित भेलाले शैलेन्द्र यादबको नेतृत्वमा २७ सदस्यीय समाजवादी युवासंघ र उर्मिला सदायको नेतृत्वमा १७ सदस्यीय समाजवादी महिला संघ गाउँपालिका समिति गठन भएको जसपा नेपाल राजगढ गाउँपालिका अध्यक्ष ललित प्रसाद सिंहले बताए । 

भेलामा पूर्व प्रदेशसभा सदस्य विदेश्वर प्रसाद यादव (विक्की) बोदेबर्साइन नगरपालिकाका मेयर आतेश कुमार सिंह यादव, पार्टी जिल्ला अध्यक्ष केदार प्रसाद यादव, पार्टीका केन्द्रीय, प्रदेश र जिल्ला स्तरका पदाधिकारी, समाजवादी महिला संघकी जिल्ला अध्यक्ष रमिलादेवी साह सहित विभिन्न तहका पदाधिकारी, समाजवादी यूवा संघका केन्द्र, प्रदेश, जिल्ला तहका पदाधिकारी तथा जसपा नेपालका स्थानीय नेताकार्यकर्ताहरूको उपस्थिति रहेको थियो ।