राजबिराज १६ का वडा अध्यक्षको रबैया प्रति स्थानीयहरू आक्रोसित

राजबिराज । राजबिराज नगरपालिका वडा १६ को वडा अध्यक्ष रामएकवाल यादबको रबैया प्रति स्थानीयहरू विरोध जनाएको छ ।

शनिवार राजबिराज वडा १६ बोरियाका स्थानियहरूको अगुवाईमा वडा स्तरीय योजना तथा कार्यक्रम सम्बन्धी विरोध सभामा आयोजित कार्यक्रममा सो कुरा बताएको हो ।

वडा अध्यक्ष यादबले वडा स्तरिय योजना तथा कार्यक्रम सम्बन्धमा एकलौटी ढङ्गले आफ्नो आसेपासेलाई उपभोक्ता समिति गठन गर्दा बनाउने गरेको र अनावश्यक सिफारिस शुल्क लिने गरेको स्थानीय समाजसेवी रामलखन यादबले आरोप लगाए ।

सार्वजनिक बाटो, तथा अवैध घर निर्माणमा अनियमितता गरेको, शुद्ध खानेपानीको लागी ट्युबेल वितरणमा अनियमितता गरेको, बिजुली वती जडान नगरेको, सार्वजनिक पोखरीहरूको ठेक्कामा मनोमानी गरेको, विभिन्न किसिमको सिफारिसमा शुल्क नलाग्ने सिफारिसमा रकम लिई भष्ट्राचार गरेको, रामजानकी मन्दिरको जग्गा ब्यक्तीनाम मा गर्न खोजेको आरोप लगाएको छ ।

यसैगरी बखो जाती (अल्पसङ्ख्यक जाती) सँग ३ हजार देखि ४ हजार सम्म सिफारिसको लागि लिने गरेको स्थानीय रामलखन यादबको आरोप छ । वडा अध्यक्ष यादबले वडाको कामको पारदर्शिता नगरेको बिकासिय काम गर्दा उपभोग गर्न स्थानियहरू सँग कुनै छलफल नगरी गैर उपभोग गर्ने ब्यक्तीलाई उपभोक्ता समितिमा राखेको स्थानिय महेन्द्र प्रसाद  देवले आरोप लगाए ।

यसैगरी योगेन्द्र प्रसाद सदाले वडा अध्यक्ष यादबले आफनो अनुकुल योजना छनोट गरेको र सेवा प्रभामा पारदर्शिता नगरेको आरोप लगाउदै वडावाट हुने सेवाहरू सार्वजनिकरण हुनुपर्नेमा माँँग गरे । 

यता वडा अध्यक्ष रामएकवाल यादबलाई यस सम्बन्धमा सम्पर्क गर्दा मोबाइल नम्बरमा फोन गर्दा स्विच अफ रहेको थियो । विरोध सभाका अध्यक्षता नारायण यादबले गरेका थिए । उक्त सभामा राजबिराज वडा १६ का सयौँ  स्थानियबासीहरूको उपस्थिति रहेको थियो ।